Na sesión celebrada polo xurado provincial o día 4.6.2024, figura o seguinte acordo:
MVMC Caxigal de San Martiño (expediente 15/78), pertencente aos veciños de Coedo, Seoane, Vilacorbe e Coto, da parroquia de San Martiño de Folgosa, no concello do Corgo.
O 22.6.2023, a citada comunidade presentou unha proposta de deslindamento do seu monte, respecto de propiedades particulares, coa que solicitaba o inicio do correspondente procedemento, de acordo co disposto no artigo 54 da Lei 7/2012, do 28 de xuño, de montes de Galicia.
O 17.7.2023 o Servizo de Montes emitiu un informe favorable sobre proposta formulada.
O 8.8.2023 publicouse no DOG o anuncio polo que se fixo pública a proposta de deslindamento e se abría o prazo de alegacións para o expediente 2023_6DES. Así mesmo, o anuncio foi publicado no concello do Corgo e na web da Consellería do Medio Rural.
O 7.12.2023 a comunidade ratificouse na proposta con indicación de que non recibiron alegacións. O 14.12.2023 o Servizo de Montes emitiu un novo informe favorable sobre o deslindamento solicitado.
O 9.2.2024, tivo entrada a proposta definitiva da liña de deslindamento, nos termos requiridos no citado artigo 54.
O 27.2.2024, o Servizo de Montes emitiu un informe no que se especifican as modificacións que se producen como consecuencia do deslindamento. Segundo a nova cartografía, o monte de Caxigal de San Martiño pasa a ter una superficie de 95,84 hectáreas.
De conformidade co disposto no artigo 54.3 da Lei 7/2012, no caso de informe favorable, unha vez ratificado o deslindamento provisional pola asemblea xeral, darase traslado ao xurado provincial dos acordos alcanzados. O xurado provincial de montes veciñais en man común ditará resolución aprobatoria do deslindamento.
En vista do anterior, o xurado, por unanimidade, acorda aprobar o deslindamento e proceder a realizar as oportunas correccións no expediente, de conformidade co informe elaborado polo Servizo de Montes.
O plano que figura no anexo, ao final deste anuncio, correspondente ao monte veciñal tralo deslindamento aprobado.
Contra este acordo, desde o día seguinte ao da súa publicación no Diario Oficial de Galicia, poderá interpoñerse recurso potestativo de reposición ante o Xurado Provincial de Clasificación de Montes Veciñais en Man Común de Lugo no prazo dun mes, ou ben directamente recurso contencioso-administrativo ante o Xulgado do Contencioso-Administrativo de Lugo no prazo de dous meses, de acordo co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e no artigo 46 da Lei 29/1998, do 13 de xullo, da xurisdición contencioso-administrativa.
Lugo, 17 de xuño de 2024
Mª Olga Iglesias Fontal
Presidenta do Xurado Provincial de Clasificación
de Montes Veciñais en Man Común de Lugo
