Unha vez emitido informe favorable sobre a proposta de deslindamento con predios particulares presentada pola Comunidade de Montes Veciñais en Man Común de Coiro, no concello de Cangas, e de acordo co disposto no artigo 54.1 da Lei 7/2012, do 28 de xuño, de montes de Galicia, sobre o procedemento de deslindamento de montes veciñais con propiedades particulares, acórdase sinalar, para a exposición do plano e demais documentación do monte, o Centro Cultural de Coiro-O Igrexario, s/n, 36947 Cangas (Pontevedra), así como o taboleiro de anuncios do Concello de Cangas.

Ábrese un prazo dun mes, a partir do día seguinte ao desta publicación, para que os que se conceptúen con dereito á propiedade do monte ou de parte del e os das propiedades lindeiras que desexen comparecer, presenten alegacións e os títulos que acrediten a propiedade no seguinte enderezo: Centro Cultural de Coiro-Igrexario, s/n, 36947, Cangas (Pontevedra), en horario de luns a venres, das 18.00 ás 20.00 horas.

O anterior faise público para xeral coñecemento.

Pontevedra, 17 de xuño de 2024

Antonio Crespo Iglesias
Director territorial de Pontevedra