Mediante a Orde do 3 de abril de 2024 (Diario Oficial de Galicia número 75, do 16 de abril) establecéronse as bases reguladoras e convocouse o procedemento para adxudicar o uso de instalacións xuvenís para a realización de programas de lecer educativo e tempo libre durante a campaña de verán 2024 para colectivos xuvenís, nos termos establecidos na orde e coa distribución de prazas recollida no anexo I desta.
De conformidade co disposto no artigo 9.5 da dita orde de convocatoria e tendo en conta as disposicións adicionais segunda e terceira do Decreto 49/2024, do 22 de abril, polo que se fixa a estrutura orgánica das consellerías da Xunta de Galicia, o órgano competente para resolver é a persoa titular da Dirección Xeral de Xuventude, por delegación da persoa titular da consellería competente en materia de xuventude.
Así mesmo, o artigo 10 da citada orde establece que se publicarán no Diario Oficial de Galicia (DOG), de conformidade co previsto no artigo 45 da Lei 39/2015, do 1 de outubro, do procedemento administrativo común das administracións públicas, os actos administrativos e as correspondentes resolucións deste procedemento. Esta publicación producirá os efectos de notificación.
Tras a instrución do procedemento, o 9 de maio de 2024 o órgano competente emite a resolución que finaliza o procedemento de adxudicación do uso de instalacións xuvenís para realizar programas de lecer educativo e tempo libre durante a campaña de verán 2024.
Polo exposto,
RESOLVO:
Primeiro. Ordenar a publicación no Diario Oficial de Galicia do contido íntegro da Resolución do 9 de maio de 2024, ditada no procedemento BS304A, relativa á adxudicación do uso de instalacións xuvenís ao abeiro da Orde do 3 de abril de 2024 pola que se convoca o procedemento para a concesión do uso de instalacións xuvenís para a realización de programas de lecer educativo e tempo libre durante a campaña de verán 2024 para colectivos xuvenís (código de procedemento BS304A), que se xunta como anexo desta resolución.
Segundo. Comunicar que a Resolución do 9 de maio de 2024 que finaliza este procedemento esgota a vía administrativa e contra ela pode interporse recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, de conformidade co disposto no artigo 46 da Lei 29/1988, do 13 de xullo, reguladora da xurisdición contencioso-administrativa, no prazo de dous meses, contados a partir do día seguinte ao da súa notificación a través desta publicación no Diario Oficial de Galicia.
Non obstante, poderá interporse potestativamente recurso de reposición, ante o mesmo órgano que a ditou, no prazo dun mes contado a partir do día seguinte ao da súa notificación a través desta publicación no Diario Oficial de Galicia, de acordo co establecido nos artigos 123 e 124 da Lei 39/2015, do 1 de outubro, do procedemento administrativo común das administracións públicas.
Santiago de Compostela, 10 de maio de 2024
Lara del Carmen Meneses Álvarez
Directora xeral de Xuventude
ANEXO
Resolución do 9 de maio de 2024, ditada no procedemento BS304A, relativa á adxudicación do uso de instalacións xuvenís ao abeiro da Orde do 3 de abril de 2024 pola que se convoca o procedemento para a concesión do uso de instalacións xuvenís para a realización de programas de lecer educativo e tempo libre durante a campaña de verán 2024 para colectivos xuvenís (código de procedemento BS304A)
Mediante a Orde do 3 de abril de 2024 (Diario Oficial de Galicia número 75, do 16 de abril) establecéronse as bases reguladoras e convocouse o procedemento para adxudicar o uso de instalacións xuvenís para a realización de programas de ocio educativo e tempo libre durante a campaña de verán 2024 para colectivos xuvenís, nos termos establecidos na orde e coa distribución de prazas recollida no anexo I desta.
Unha vez que o Instituto da Xuventude de Galicia, órgano instrutor do procedemento, comprobou as solicitudes, a Comisión de Valoración prevista no artigo 9 avaliou as solicitudes admitidas a trámite de acordo cos criterios de adxudicación e pola orde de preferencia e prioridade que se recollen no artigo 8.
Á vista do expediente e do informe da Comisión de Valoración, o órgano instrutor formulou a proposta de resolución conforme o regulado no artigo 9.
Esta dirección xeral de Xuventude é competente para resolver, por delegación da persoa titular da consellería competente en materia de xuventude, segundo o disposto no artigo 9.5 e tendo en conta as disposicións adicionais segunda e terceira do Decreto 49/2024, do 22 de abril, polo que se fixa a estrutura orgánica das consellerías da Xunta de Galicia.
Con base no exposto,
RESOLVO:
Primeiro. Adxudicarlles o uso temporal de instalacións xuvenís para realizar programas de lecer educativo e tempo libre durante a campaña de verán 2024 para colectivos xuvenís ás entidades relacionadas no anexo I, nos termos que se expoñen na devandita relación.
Segundo. Denegarlles o uso de instalacións xuvenís para realizar programas de lecer educativo e tempo libre durante a campaña de verán 2024 para colectivos xuvenís ás entidades relacionadas no anexo II, por aplicación dos criterios de preferencia e prioridade recollidos no artigo 8.
Terceiro. Aceptar a desistencia da solicitude presentada pola Asociación Sociocultural Raiceiros (expediente 2024/22) e declarar a terminación do procedemento para este expediente.
Cuarto. As entidades adxudicatarias deberán cumprir as obrigas previstas nos artigos 12, 14 e 15 da Orde do 3 de abril de 2024.
A documentación indicada nos citados artigos deberá presentarse electronicamente e dirixirse ao Servizo de Xuventude e Voluntariado correspondente á provincia en que estea a instalación adxudicada, conforme o sinalado nos artigos 7, 12 e 14 da orde.
Se transcorridos os prazos que se indican nos citados artigos non se cumprisen as obrigas correspondentes, logo do trámite de audiencia da entidade interesada, declararase a perda do dereito á instalación adxudicada, a través da oportuna resolución, que será ditada nos termos do artigo 21 da Lei 39/2015, do 1 de outubro, do procedemento administrativo común das administracións públicas.
Quinto. A presente resolución esgota a vía administrativa e contra ela pode interporse recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, de conformidade co disposto no artigo 46 da Lei 29/1988, do 13 de xullo, reguladora da xurisdición contencioso-administrativa, no prazo de dous meses, que comezará a contar desde o día seguinte ao da súa publicación no Diario Oficial de Galicia.
Non obstante, poderá interporse potestativamente recurso de reposición, ante o mesmo órgano que a ditou, no prazo dun mes, que comezará a contar a partir do día seguinte ao da súa publicación no Diario Oficial de Galicia, de acordo co establecido nos artigos 123 e 124 da Lei 39/2015, do 1 de outubro.
Sexto. A publicación desta resolución producirá os efectos de notificación, nos termos establecidos no artigo 10 da Orde do 3 de abril de 2024 e no artigo 45 da Lei 39/2015, do 1 de outubro.
Santiago de Compostela, 10 de maio de 2024. O conselleiro de Cultura, Lingua e Xuventude. P.D. (artigo 9 da Orde do 3 de abril de 2024), Lara del Carmen Meneses Álvarez, directora xeral de Xuventude.
ANEXO I
Procedemento BS304A
Entidades adxudicatarias:
|
Expediente |
Entidade adxudicataria |
Localidade |
Instalación adxudicada |
Datas |
Prazas |
|
2023/2 |
Asociación cultural Escola de Música de Rianxo |
Rianxo (A Coruña) |
A. X. Mariña Española |
25.6-28.6 |
70 |
|
2024/6 |
Asociación cultural Os Tres Reinos |
A Mezquita (Ourense) |
A. X. Mariña Española |
1.9-10.9 |
30 |
|
2024/14 |
Asoc. Cultural Deportiva e Xuvenil Acuxuve |
Vedra (A Coruña) |
A. X. Mariña Española |
3.9-7.9 |
30 |
|
2024/18 |
Concello de Viana do Bolo |
Viana do Bolo (Ourense) |
A. X. Mariña Española |
1.9-7.9 |
40 |
|
2024/21 |
Escola de Tempo Libre Arenaria |
Padrón (A Coruña) |
C.X. Virxe de Loreto |
26.8-4.9 |
40 |
|
2024/9 |
Concello da Estrada |
A Estrada (Pontevedra) |
C.X. Virxe de Loreto |
26.8-4.9 |
60 |
|
2024/16 |
Xuncas Diversia |
Lugo (Lugo) |
C.X. Virxe de Loreto |
28.8-1.9 |
20 |
|
2024/1 |
Concello de Negreira |
Negreira (A Coruña) |
C. X. Espiñeira |
26.8-4.9 |
50 |
|
2024/10 |
Concello de Vedra |
Vedra (A Coruña) |
A. X. Area |
21.6-29.6 |
100 |
|
2024/11 |
Organización Juvenil Española |
A Coruña (A Coruña) |
A. X. Benigno Quiroga |
21.8-28.8 |
40 |
|
2024/4 |
Concello de Portomarín |
Portomarín (Lugo) |
A. X. Benigno Quiroga |
21.8-28.8 |
10 |
|
2024/20 |
Asociación Amigos Banda de Música de Agolada |
Agolada (Pontevedra) |
C. X. A Devesa |
27.8-30.8 |
50 |
|
2024/8 |
Concello de Barbadás |
Barbadás (Ourense) |
C. X. A Devesa |
2.9-4.9 |
40 |
|
2024/23 |
Asociación Galega de Familias de Acollida Acougo |
Santiago de Compostela (A Coruña) |
C. X. Os Chacotes |
26.8-4.9 |
32 |
|
2024/13 |
Asoc. Sociocultural ASCM |
Ferrol (A Coruña) |
A. X. As Sinas |
25.6-29.6 |
23 |
|
2024/19 |
Asociación Limisi |
Xinzo de Limia (Ourense) |
A. X. As Sinas |
24.6-29.6 |
20 |
|
2024/15 |
Concello de San Cibrao das Viñas |
San Cibrao das Viñas (Ourense) |
A. X. As Sinas |
21-29.6 |
77 |
|
2024/7 |
Asociación solidaria en actividades de ocio e tempo libre Mar de Touro |
Ribeira (A Coruña) |
C. X. Pontemaril |
26.8-1.9 |
58 |
|
2024/17 |
Concello da Baña |
A Baña (A Coruña) |
C. X. Pontemaril |
26.8-4.9 |
20 |
|
2024/12 |
Asociación de Nenos e Nenas con Diabetes de Galicia |
Pontevedra (Pontevedra) |
C. X. Illa de Ons |
21.8-28.8 |
60 |
ANEXO II
Procedemento BS304A
Entidades non adxudicatarias:
|
Expediente |
Entidades non adxudicatarias |
Motivo |
|
2024/5 |
Concello de Touro |
Aplicación dos criterios de preferencia e prioridade regulados no artigo 8 da orde |