Feitos:
Primeiro. O 28.9.2022 o presidente da comunidade de montes veciñais en man común (en diante, CMVMC) de Baredo presenta no rexistro electrónico da Xunta de Galicia co núm. de entrada 2022/2386036, solicitude de deslindamento entre a CMVMC de Baredo (Baiona) e a CMVMC de Mougás (Oia).
Os montes veciñais en man común (en diante, MVMC) afectados por este deslindamento son:
– MVMC de Montes de Baredo (ID Monte: 2457) da CMVMC de Baredo.
– MVMC de Mougás (ID Monte: 2932) da CMVMC de Mougás.
Segundo. Consta no expediente a seguinte documentación do deslindamento consonte o artigo 53 da Lei 7/2012:
• Acta do apeo do deslindamento o 8.9.2022.
• Acta de conciliación entre as comunidades no Xulgado de Paz de Oia o 27.3.2023.
• Certificado do secretario da CMVMC de Baredo coa conformidade do presidente do 28.9.2022 da aprobación en Asemblea do 11.9.2022.
• Certificado do secretario da CMVMC de Mougás coa conformidade do 30.11.2022 presidente do da aprobación en Asemblea do 8.10.2022.
• Memoria descritiva co plano de deslindamento e cartografía en formato dixital no Datum ETRS89/UTM zona 29N EPSG: 25829. Asinado o 2.4.2023 pola enxeñeira técnica forestal colexiada número 292 do COETF de Galicia. Constan emendas posteriores que corrixen a dita memoria.
• Informe de validación gráfica catastral con CSV: 008MTB4601J37VTD, 0PR4K2Q7N7S1WM25 (para a comunicación da alteración catastral consonte o artigo 55.3 da Lei 7/2012), que polo principio de colaboración entre administracións deberá verificar a Xerencia Territorial de Catastro.
Terceiro. A liña de deslindamento proposta ten unha lonxitude de 3.753 metros, e está composta polos seguintes puntos:
Punto P01-x: 509.303,06 y: 4.660.463,60
Punto P02-x: 509.304,39 y: 4.660.417,74
Punto P03-x: 509.327,69 y: 4.660.099,71
Punto P04-x: 509.340,03 y: 4.660.030,45
Punto P05-x: 509.330,52 y: 4.659.965,32
Punto P06-x: 509.378,09 y: 4.659.932,53
Punto P07-x: 509.383,41 y: 4.659.884,86
Punto P08-x: 509.408,82 y: 4.659.855,51
Punto P09-x: 509.428,73 y: 4.659.747,16
Punto P10-x: 509.479,12 y: 4.659.689,32
Punto P11-x: 509.538,67 y: 4.659.507,41
Punto P12-x: 509.646,03 y: 4.659.445,79
Punto P13-x: 509.834,39 y: 4.659.329,70
Punto P14-x: 509.868,34 y: 4.659.295,16
Punto P15-x: 510.199,43 y: 4.659.280,23
Punto P16-x: 510.231,20 y: 4.659.122,07
Punto P17-x: 510.304,07 y: 4.658.875,77
Punto P18-x: 510.328,03 y: 4.658.630,55
Punto P19-x: 510.358,22 y: 4.658.421,34
Punto P20-x: 510.341,96 y: 4.658.337,56
Punto P21-x: 510.381,87 y: 4.658.244,30
Punto P22-x: 510.543,07 y: 4.658.263,64
Punto P23-x: 510.645,34 y: 4.658.313,66
Punto P24-x: 510.774,52 y: 4.658.431,49
Punto P25-x: 510.963,71 y: 4.658.447,57
Punto P26-x: 510.957,84 y: 4.658.357,52
Punto P27-x: 511.157,23 y: 4.658.289,97
Revisada a cartografía das resolucións de clasificación de ambos MVMC detéctase que existe colindancia entre ambos e considérase que non afecta terceiros propietarios.
O punto P01 invade a parcela de titularidade catastral particular 36036A00400910. Xustificase polo fito situado xunto o muro que delimita a propiedade particular, polo que existe unha pequena desviación da cartografía catastral con respecto á realidade.
O punto P27 é o punto no que converxen a CMVMC de Bahiña, a CMVMC de Mougás e a CMVMC de Baredo e coincidente co punto P35 do expediente DC22083 (deslindamento entre a CMVMC de Baredo e CMVMC de Bahiña).
A liña de deslindamento non respecta a liña do Instituto Xeográfico Nacional entre os concellos de Baiona e Oia.
A liña de deslindamento produce modificacións na cartografía dos esbozos de clasificación das seguintes comunidades:
– CMVMC de Baredo: achega un pequeno axuste para pechar o punto P01 do deslindamento co resto do seu bosquexo. No punto P27 pecha o bosquexo tendo en conta o expediente DC22083.
– CMVMC de Mougás: achega uns pequenos axustes para pechar o punto P01 e o punto P027 co resto dos seus bosquexos.
O Servizo de Montes considera que a solicitude se axusta ao establecido no artigo 53, polo que propón a aprobación do deslindamento segundo a liña presentada.
Consideracións legais e técnicas:
Primeira. A presente resolución dítase de conformidade co disposto na Lei 39/2015, do 1 de outubro, do procedemento administrativo común das administracións públicas.
Segunda. O artigo 53 da Lei 7/2012, do 28 de xuño, de montes de Galicia, recolle o procedemento que hai que seguir no deslindamento entre montes veciñais en man común e establece que o Xurado Provincial de Clasificación de Montes Veciñais en Man Común, logo do exame da documentación presentada, ditará resolución que será publicada no Diario Oficial de Galicia e notificada ás comunidades interesadas.
De acordo cos feitos e consideracións legais e técnicas expostos, o Xurado por unanimidade dos seus membros,
ACORDA:
Aprobar o deslindamento parcial realizado entre a CMVMC de Baredo (Baiona) e a CMVMC de Mougás (Oia) respecto da súa estrema común nos termos indicados no feito terceiro.
Contra a presente resolución, que pon fin á vía administrativa, poderase interpoñer recurso de reposición con carácter potestativo perante o Xurado Provincial de Clasificación de Montes Veciñais en Man Común de Pontevedra no prazo dun mes, ou ben interpoñer directamente recurso contencioso-administrativo perante o Xulgado do Contencioso-Administrativo de Pontevedra no prazo de dous meses contados desde o día seguinte ao da presente notificación, de acordo co disposto no artigo 123 e 124 da Lei 39/2015, do 1 de outubro, do procedemento administrativo común das administracións, e nos artigos 8 e 46 da Lei 29/1998, do 13 de xullo, reguladora da xurisdición contencioso-administrativa.
Pontevedra, 10 de abril de 2024
Antonio Crespo Iglesias
Presidente do Xurado Provincial de Clasificación
de Montes Veciñais en Man Común de Pontevedra