Feitos:

Primeiro. O 28.9.2022, o presidente da Comunidade de Montes Veciñais en Man Común (en diante, CMVMC) de Baredo presenta no rexistro electrónico da Xunta de Galicia, co número de entrada 2022/2386036, a solicitude de deslindamento entre a CMVMC de Baredo (Baiona) e a CMVMC de Baíña (Baiona).

Os montes veciñais en man común (en diante, MVMC) afectados por este deslindamento son:

– MVMC de Montes de Baredo (ID monte: 2457) da CMVMC de Baredo.

– MVMC de Montes de Baíña (ID monte: 2456) da CMVMC de Baíña.

Segundo. Consta no expediente a seguinte documentación do deslindamento consonte o artigo 53 da Lei 7/2012:

• Acta do apeo do deslindamento o 8.9.2022.

• Acta de conciliación nº 6/2023 entre as comunidades no Xulgado de Paz de Baiona o 20.3.2023.

• Certificado do secretario da CMVMC de Baredo coa conformidade do presidente do 28.9.2022 da aprobación na asemblea do 11.9.2022.

• Certificado do secretario da CMVMC de Baíña coa conformidade do presidente do 7.10.2022 da aprobación na asemblea do 1.10.2022.

• Memoria descritiva co plano de deslindamento e cartografía en formato dixital no Datum ETRS89/UTM zona 29N EPSG: 25829. Asinado o 26.3.2023 pola enxeñeira técnica forestal colexiada núm. 292 do COETF de Galicia. Constan emendas posteriores que corrixen a dita memoria.

• Informe de validación gráfica catastral con CSV: 12C3HRDP2P7EVJJM, 2W1TPCYM8MCVB7EG (para a comunicación da alteración catastral consonte o artigo 55.3 da Lei 7/2012), que polo principio de colaboración entre administracións deberá verificar a Xerencia Territorial do Catastro.

Terceiro. A liña de deslindamento proposta ten unha lonxitude de 2.166 metros e está composta polos seguintes puntos:

Punto P01-x: 511.538,51 y: 4.661.786,44

Punto P02-x: 511.526,47 y: 4.661.672,63

Punto P03-x: 511.528,98 y: 4.661.529,06

Punto P04-x: 511.512,40 y: 4.661.360,66

Punto P05-x: 511.495,10 y: 4.661.258,09

Punto P06-x: 511.468,79 y: 4.661.156,31

Punto P07-x: 511.387,61 y: 4.660.998,62

Punto P08-x: 511.425,64 y: 4.660.925,35

Punto P09-x: 511.438,04 y: 4.660.881,86

Punto P10-x: 511.503,19 y: 4.660.747,58

Punto P11-x: 511.562,38 y: 4.660.627,76

Punto P12-x: 511.622,51 y: 4.660.505,60

Punto P13-x: 511.649,07 y: 4.660.448,73

Punto P14-x: 511.593,31 y: 4.660.312,93

Punto P15-x: 511.605,82 y: 4.660.270,57

Punto P16-x: 511.542,32 y: 4.660.112,92

Punto P17-x: 511.525,44 y: 4.660.031,98

Punto P18-x: 511.504,18 y: 4.659.913,65

Punto P19-x: 511.476,87 y: 4.659.758,96

Punto P33-x: 511.167,92 y: 4.658.334,98

Punto P34-x: 511.165,51 y: 4.658.326,27

Punto P35-x: 511.157,23 y: 4.658.289,97

No traballo de gabinete establécense puntos de deslindamento secundarios para respectar o dominio público das estradas, polo que neste tramo non existe colindancia entre ambos os montes (o deslindamento realizarase coa Administración competente):

Punto S01-x: 511.527,24 y: 4.661.511,34

Punto S02-x: 511.526,27 y: 4.661.501,55

Punto S03-x: 511.497,23 y: 4.661.270,87

Punto S04-x: 511.495,94 y: 4.661.263,10

Punto S05-x: 511.426,30 y: 4.660.923,01

Punto S06-x: 511.428,06 y: 4.660.916,83

Unha vez revisada a cartografía das resolucións de clasificación de ambos os MVMC, detéctase que existe colindancia entre ambos e considérase que non afecta terceiros propietarios.

Na memoria presentada solicítase o deslindamento do tramo entre o punto P19 e o punto P33 (lonxitude: 1.892 m), neste treito non existe colindancia entre ambos os montes xa que a CMVMC de Baredo linda coa estrada EP-2022 (o deslindamento realizarase coa Administración competente).

O deslindamento está formado por 5 tramos:

Tramo 1: punto P01-punto S01

Tramo 2: punto S02-punto S03

Tramo 3: punto S04-punto S05

Tramo 4: punto S06-punto 19

Tramo 5: punto P33-punto 35

O punto P01 é o punto en que converxen a CMVMC de Santa María de Afora, a CMVMC de Baíña e a CMVMC de Baredo é coincidente co punto 001 do expediente DC22084 (deslindamento entre a CMVMC de Baredo e a CMVMC de Santa María de Afora).

O punto P35 é o punto en que converxen a CMVMC de Mougás, a CMVMC de Baíña e a CMVMC de Baredo é coincidente co punto P27 do expediente DC22082 (deslindamento entre a CMVMC de Baredo e a CMVMC de Mougás).

A liña de deslindamento produce modificacións na cartografía dos esbozos de clasificación das seguintes comunidades:

– CMVMC de Baredo: o punto P01 pecha a liña de deslindamento co esbozo a través do expediente DC22084 e no punto P35 a través do expediente DC22082.

– CMVMC de Baíña: achega uns pequenos axustes para pechar o punto P01 e o punto P35 do deslindamento co resto do seu esbozo.

No tramo entre o punto P19 e P33 ambas as comunidades pechan o esbozo coa liña levantada lindeira á estrada EP-2022 de xeito provisional.

O Servizo de Montes considera que a solicitude se axusta co establecido no artigo 53, polo que propón a aprobación do deslindamento segundo a liña presentada.

Consideracións legais e técnicas:

Primeira. A presente resolución dítase de conformidade co disposto na Lei 39/2015, do 1 de outubro, do procedemento administrativo común das administracións públicas.

Segunda. O artigo 53 da Lei 7/2012, do 28 de xuño, de montes de Galicia, recolle o procedemento que hai que seguir no deslindamento entre montes veciñais en man común e establece que o Xurado Provincial de Clasificación de Montes Veciñais en Man Común, logo do exame da documentación presentada, ditará resolución que será publicada no Diario Oficial de Galicia e notificada ás comunidades interesadas.

De acordo cos feitos e consideracións legais e técnicas expostos, o Xurado, por unanimidade dos seus membros,

ACORDA:

Aprobar o deslindamento parcial realizado entre a CMVMC de Baredo e a CMVMC de Baíña (Baiona) respecto da súa estrema común nos termos indicados no feito terceiro.

Contra a presente resolución, que pon fin á vía administrativa, poderase interpoñer recurso de reposición con carácter potestativo ante o Xurado Provincial de Clasificación de Montes Veciñais en Man Común de Pontevedra no prazo dun mes, ou ben interpoñer directamente recurso contencioso-administrativo ante o Xulgado do Contencioso-Administrativo de Pontevedra no prazo de dous meses contados desde o día seguinte ao da presente notificación, de acordo co disposto no artigo 123 e 124 da Lei 39/2015, do 1 de outubro, do procedemento administrativo común das administracións públicas, e nos artigos 8 e 46 da Lei 29/1998, do 13 de xullo, reguladora da xurisdición contencioso-administrativa.

Pontevedra, 10 de abril de 2024

Antonio Crespo Iglesias
Presidente do Xurado Provincial de Clasificación
de Montes Veciñais en Man Común de Pontevedra