Feitos:
Primeiro. O 21.9.2022 o representante da comunidade de montes veciñais en man común (en diante, CMVMC) de Cabeiras, presenta no rexistro electrónico da Xunta de Galicia co número de entrada 2022/2317535, solicitude de deslindamento entre a CMVMC de Cabeiras (Arbo) e a CMVMC de Sela (Arbo).
Os montes veciñais en man común (en diante, MVMC) afectados por este deslindamento son:
– MVMC de Cabeiras (ID Monte: 2444) da CMVMC de Cabeiras.
– MVMC de Sela (ID Monte: 2448) da CMVMC de Sela.
Segundo. Consta no expediente a seguinte documentación do deslindamento consonte o artigo 53 da Lei 7/2012:
• Acta do apeo do deslindamento o 30.1.2022.
• Acta de conciliación nº 3/2022 entre as comunidades no Xulgado de Paz de Arbo o 11.9.2022.
• Certificado do secretario da CMVMC de Cabeiras coa conformidade do presidente do 23.5.2023 da aprobación en Asemblea do 19.6.2022.
• Certificado do secretario da CMVMC de Sela coa conformidade do presidente do 27.5.2022 da aprobación en Asemblea do 12.2.2022.
• Memoria descritiva co plano de deslindamento e cartografía en formato dixital no Datum ETRS89/UTM zona 29N EPSG: 25829. Asinado o 19.9.2022 pola enxeñeira técnica forestal colexiada núm. 482 do COETF de Galicia. Constan emendas posteriores que corrixen a dita memoria.
• Informe de validación gráfica catastral con CSV: 4HF05VFK850HZH7V (para a comunicación da alteración catastral consonte o artigo 55.3 da Lei 7/2012), que polo principio de colaboración entre administracións deberá verificar a Xerencia Territorial de Catastro.
Terceiro. A liña de deslindamento proposta ten unha lonxitude de 1.788 metros, e está composta polos seguintes puntos:
Punto 1-x: 554.452,34 y: 4.661.531,73
Punto 2-x: 554.331,70 y: 4.661.639,45
Punto 3-x: 554.236,33 y: 4.661.787,98
Punto 4-x: 554.182,62 y: 4.661.855,51
Punto 5-x: 554.011,06 y: 4.662.221,25
Punto 6-x: 553.877,37 y: 4.662.371,69
Punto 7-x: 553.757,64 y: 4.662.551,53
Punto 8-x: 553.385,41 y: 4.663.101,58
Punto 9-x: 553.226,72 y: 4.663.334,18
Revisada a cartografía das resolucións de clasificación de ambos MVMC detéctase que existe colindancia entre ambos a excepción dun tramo (entre o punto 1 e o punto 2) que invade o esbozo da CMVMC de Barcela. O 9.3.2023 dáselle audiencia a CMVMC de Barcela para que poida alegar o que considere oportuno en relación o deslindamento actual, sendo rexeitada por non acceder en prazo. Polo que continúase coa tramitación do expediente. O tramo da liña que invade o esbozo da CMVMC de Barcela, xustificase con base nos deslindamentos dos montes de utilidade pública:
– MUP161 Costa de Sabugueiro a pertenza corresponde a CMVMC de Cabeiras.
– MUP162 Cota da Moura a pertenza corresponde a CMVMC de Barcela.
– MUP164 Chan de Rozadas a pertenza corresponde a CMVMC de Sela.
O deslindamento está formado por 2 tramos:
Tramo 1: punto 1-o punto 4.
Tramo 2: punto 5-o punto 9.
O punto 1 é o punto no que converxen a CMVMC de Cabeiras, a CMVMC de Sela e a CMVMC do Barcela. E polo tanto no que converxían os MUP 161, MUP 164 e o MUP 162.
A liña presenta descontinuidade entre o punto 4 e o punto 5 pola existencia de propiedades particulares.
O tramo entre o punto 5 e o punto 6 invade parcialmente a parcela catastral con titularidade particular 36001A05200016 pero queda xustificada a colindancia polo indicado nas revisións de esbozo RE22065 da CMVMC de Cabeiras e a RE22056 da CMVMC de Sela.
O punto 9 é o punto no que converxen a CMVMC de Cabeiras, a CMVMC de Sela e a CMVMC do San Cibrán de Ribarteme e coincide co punto 229 do expediente DC22019 (deslindamento entre a CMVMC de Cabeiras e a CMVMC de San Cibrán de Ribarteme). Ambos puntos presentan unha pequena desviación, asociada á precisión dos diferentes aparellos topográficos empregados na medición.
Nos expedientes de revisión de esbozo RE22056 e RE22065 xa se recolle o actual deslindamento.
O Servizo de Montes considera que a solicitude se axusta ao establecido no artigo 53, polo que propón a aprobación do deslindamento segundo a liña presentada.
Consideracións legais e técnicas:
Primeira. A presente resolución dítase de conformidade co disposto na Lei 39/2015, do 1 de outubro, do procedemento administrativo común das administracións públicas.
Segunda. O artigo 53 da Lei 7/2012, do 28 de xuño, de montes de Galicia, recolle o procedemento que hai que seguir no deslindamento entre montes veciñais en man común e establece que o Xurado Provincial de Clasificación de Montes Veciñais en Man Común, logo do exame da documentación presentada, ditará resolución que será publicada no Diario Oficial de Galicia e notificada ás comunidades interesadas.
De acordo cos feitos e consideracións legais e técnicas expostos, o Xurado por unanimidade dos seus membros,
ACORDA:
Aprobar o deslindamento parcial realizado entre a CMVMC de Cabeiras e a CMVMC de Sela (Arbo), respecto da súa estrema común nos termos indicados no feito terceiro.
Contra a presente resolución, que pon fin á vía administrativa, poderase interpoñer recurso de reposición con carácter potestativo perante o Xurado Provincial de Clasificación de Montes Veciñais en Man Común de Pontevedra no prazo dun mes, ou ben interpoñer directamente recurso contencioso-administrativo perante o Xulgado do Contencioso-Administrativo de Pontevedra no prazo de dous meses contados desde o día seguinte ao da presente notificación, de acordo co disposto no artigo 123 e 124 Lei 39/2015, do 1 de outubro, do procedemento administrativo común das administracións públicas, e nos artigos 8 e 46 da Lei 29/1998, do 13 de xullo, reguladora da xurisdición contencioso-administrativa.
Pontevedra, 10 de abril de 2024
Antonio Crespo Iglesias
Presidente do Xurado Provincial de Clasificación
de Montes Veciñais en Man Común de Pontevedra