Expediente: IN407A 2023/114-4.

Promotora: UFD Distribución Electricidad, S.A.

Denominación: LMTS e CT Casal-O Covelo.

Concello: O Porriño.

Feitos:

1. O 23.2.2023, a empresa UFD Distribución Electricidad, S.A. solicitou a autorización administrativa previa, a autorización administrativa de construción e a declaración de utilidade pública da instalación eléctrica denominada LMTS e CT Casal-O Covelo.

O proxecto de execución que acompaña a solicitude foi asinado polo enxeñeiro técnico industrial Sergio Rodríguez Rodríguez, colexiado 482 do Colexio Oficial de Enxeñeiros Técnicos Industriais de Ourense, e en que figura un orzamento total de 197.187,96 euros.

Examinado o proxecto de execución, conclúese que ten como finalidade resolver os problemas de subtensións no lugar do Covelo, na parroquia de Atios, no concello do Porriño (Pontevedra), mediante as seguintes actuacións:

– Instalación dun novo centro de transformación rural (1L+1P) prefabricado de 160 kVA no tramo ATI7120638 da liña ATI712 Torneiros, 12.

– Instalación dun novo apoio de celosía metálica C-1000-14-H35-CA/CS entre os apoios A4900OU6//D1-35-3-4 e A49IORCT//D1-35-3-3, no cal se colocará un paso aéreo-subterráneo (PAS).

– Instalación de 99 metros de liña de media tensión aérea (LMTA) do apoio proxectado ata o apoio A4900OU6//D1-35-3-4.

– Instalación dunha liña de media tensión subterránea (LMTS) de 603 metros desde o PAS no apoio proxectado C-1000-14 ata o CT proxectado.

2. Esta xefatura territorial solicitou o preceptivo informe ás distintas administracións, organismos ou, de ser o caso, empresas de servizos de interese xeral afectadas, isto é, o Concello do Porriño. A empresa promotora manifestou a súa conformidade cos condicionados emitidos polo Concello do Porriño.

3. Mediante o escrito do 29.3.2023 esta xefatura territorial notificou a solicitude da autorización administrativa previa, a autorización administrativa de construción e a declaración de utilidade pública da referida instalación eléctrica á única persoa que figura afectada pola declaración de utilidade pública na relación de bens e dereitos achegada pola empresa promotora.

4. O proxecto someteuse ao trámite de información pública mediante a Resolución do 29.3.2023, publicada nos seguintes medios:

– DOG (Diario Oficial de Galicia): 26.4.2023.

– Xornal Faro de Vigo: 28.4.2023.

– Taboleiro de anuncios do Concello do Porriño, desde o 3.4.2023 ata o 19.5.2023, segundo o certificado emitido polo propio concello.

– Portal de transparencia e Goberno aberto da Consellería de Economía, Industria e Innovación.

5. O 23.5.2023, Rosa Barros Fernández alegou que a parcela é de propiedade da súa nai, ademais tamén indicou que o centro de transformación pode ser instalado en terreos de dominio público. As alegacións foron trasladas á empresa promotora.

6. O 1.7.2023, UFD comunicou que chegou a un acordo con Lidia Fernández Martínez propietaria da parcela con referencia catastral 36039A021007110000DE. Coa solicitude, UFD presentou copia do acordo acadado.

Consideracións legais e técnicas:

1. A Xefatura Territorial de Pontevedra é competente para resolver este expediente con fundamento no Decreto 116/2022, do 23 de xuño, polo que se establece a estrutura orgánica da Vicepresidencia Primeira e Consellería de Economía, Industria e Innovación (DOG nº 126, do 4 de xullo), e no Decreto 9/2017, do 12 de xaneiro, polo que se establecen os órganos competentes para a resolución dos procedementos de autorización de instalacións eléctricas que sexan competencia da Comunidade Autónoma de Galicia (DOG nº 22, do 1 de febreiro).

2. A lexislación de aplicación ao presente expediente é:

– Lei 24/2013, do 26 de decembro, do sector eléctrico.

– Lei 39/2015, do 1 de outubro, do procedemento administrativo común das administracións públicas.

– Lei 40/2015, do 1 de outubro, de réxime xurídico do sector público.

– Lei 3/2007, do 9 de abril, de prevención e defensa contra os incendios forestais de Galicia.

– Lei do 16 de decembro de 1954, sobre expropiación forzosa.

– Lei 9/2021, do 25 de febreiro, de simplificación administrativa e de apoio á reactivación económica de Galicia.

– Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica.

– Real decreto lei 23/2020, do 23 de xuño, polo que se aproban medidas en materia de enerxía e noutros ámbitos para a reactivación económica.

– Real decreto 223/2008, do 15 de febreiro, polo que se aproba o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias ITC-LAT 01 a 09.

– Real decreto 337/2014, do 9 de maio, polo que se aproba o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23.

– Decreto do 26 de abril de 1957 polo que se aproba o Regulamento da Lei de expropiación forzosa.

3. As características técnicas da instalación son as que a seguir se describen:

– Liña de media tensión aérea (LMTA) a 15 kV, con condutor tipo LA-56, de 99 metros de lonxitude, coa orixe no apoio proxectado C-1000/14 no tramo ATI7120638, situado na parcela con referencia catastral 36039A020003810000DX, e final no apoio existente A4900OU6//D1-35-3-4.

– Liña media tensión subterránea (LMTS) a 15 kV, con condutor RHZ1, de 603 metros de lonxitude, coa orixe no paso aéreo subterráneo no apoio proxecto C-1000/14 e final no centro de transformación (CT) proxectado.

– Centro de transformación a 160 kVA, con RT 15 kV/400 V, situado na parcela con referencia catastral 36039A021007110000DE, en Casal, O Covelo.

– A instalación está situada no Covelo, parroquia de Atios, no concello do Porriño (Pontevedra).

Conforme o indicado,

RESOLVO:

1. Outorgar á empresa UFD Distribución Electricidad, S.A. as autorizacións administrativas previa e de construción da instalación de distribución de enerxía eléctrica denominada LMTS e CT Casal-O Covelo, expediente IN407A 2023/114-4, cuxas características se axustarán en todas as súas partes ás que figuran no proxecto de execución, ás condicións técnicas e de seguridade establecidas nos regulamentos de aplicación e ás condicións establecidas nos condicionados dos organismos que constan no expediente.

2. UFD Distribución Electricidad, S.A. asegurará o mantemento e a vixilancia correcta das instalacións durante a construción e despois da súa posta en servizo, co fin de garantir que en todo momento se manterán as condicións regulamentarias de seguridade. En todo momento se deberán cumprir as normas e directrices vixentes que resulten de aplicación, en particular, canto establece o Real decreto 223/2008, do 15 de febreiro, polo que se aproba o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias ITC-LAT 01 a 09, e o Real decreto 337/2014, do 9 de maio, polo que se aproba o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23.

3. O prazo para a posta en marcha das instalacións que se autorizan será de doce meses, contados a partir da data da última autorización administrativa necesaria para a execución. Unha vez constituídas estas instalacións, a empresa promotora deberá presentar a solicitude de autorización de explotación ante esta xefatura territorial acompañada da seguinte documentación:

– As declaracións de conformidade relativas ao material ou equipamento, e as certificacións ou homologacións, se procede.

– Un certificado de dirección final de obra en que se garantirá o cumprimento das especificacións do proxecto e prescricións complementarias, se as houber, así como das regulamentacións e normas axeitadas para a montaxe da instalación e posta a punto.

– Planimetría as built da instalación eléctrica en formato shape.

4. O incumprimento das condicións e requisitos establecidos nesta resolución poderá dar lugar á súa revogación, logo da audiencia á promotora, de conformidade co disposto no artigo 53.10 da Lei 24/2013, do 26 de decembro.

5. Esta autorización outórgase sen prexuízo de terceiros e independentemente das autorizacións, licenzas ou permisos de competencia municipal, provincial ou outros necesarios para a realización das obras da instalación autorizada.

Contra a presente resolución, que non é definitiva en vía administrativa, poderase interpoñer recurso de alzada ante a conselleira de Economía, Industria e Innovación da Xunta de Galicia, no prazo dun mes contado a partir do día seguinte ao da súa notificación ou publicación, de acordo co disposto nos artigos 121 e 122 da Lei 39/2015, do 1 de outubro, do procedemento administrativo común das administracións públicas, sen prexuízo de que os interesados poidan interpoñer calquera outro recurso que consideren pertinente.

Pontevedra, 1 de abril de 2024

Beatriz López del Olmo
Xefa territorial de Pontevedra