Expediente: IN407A 2023/304-4.
Promotora: UFD Distribución Electricidad, S.A.
Denominación: LTMA e substitución do apoio 9RGMC2G4 da LMT CBD804 As Sinas, 4.
Concello: Vilanova de Arousa.
Feitos:
1. O 26.5.2023, a empresa UFD Distribución Electricidad, S.A. solicitou a autorización administrativa previa, a autorización administrativa de construción e a declaración de utilidade pública da instalación eléctrica denominada LTMA e substitución do apoio 9RGMC2G4 da LMT CBD804 As Sinas, 4.
O proxecto de execución que acompaña a solicitude foi asinado polo enxeñeiro técnico industrial Tito Arias Santos, colexiado 1010 do COIILE, e en que figura un orzamento total de 8.095,08 euros.
Examinado o proxecto de execución, conclúese que ten como finalidade as seguintes actuacións situadas na parroquia de Deiro, no concello de Vilanova de Arousa (Pontevedra):
Substitución do apoio 9RGMC2G4 da liña de media tensión aérea CBD804 por un apoio C-2000/16, no cal se instalará un XS 36HF74.
Substitución de 63 metros da liña de media tensión aérea entre o apoio proxectado e o apoio 9RGKT6EA.
Substitución de 23 metros da liña de media tensión aérea entre o apoio proxectado e o apoio 9RH42CIQ.
Substitución de 3 metros da liña de media tensión aérea entre o apoio proxectado e o apoio 9RGKT6CL.
Retensado de 72 metros da liña de media tensión aérea entre o apoio proxectado e o apoio 9RH4RRIO.
Retensado de 126 metros da liña de media tensión aérea entre os apoios 9RGKT6EA e 9RGE4725.
2. Esta xefatura territorial solicitou o preceptivo informe ás distintas administracións, organismos ou, de ser o caso, empresas de servizos de interese xeral afectadas, isto é, o Concello de Vilanova de Arousa e Augas de Galicia que non emitiron os condicionados técnicos, entendéndose en consecuencia a súa conformidade coa autorización de construción da dita infraestrutura eléctrica, conforme o disposto no artigo 131 do Real decreto 1955/2000, do 1 de decembro; sen prexuízo da autorización que lles corresponda outorgar.
3. Mediante o escrito do 27.6.2023, esta xefatura territorial notificou a solicitude da autorización administrativa previa, a autorización administrativa de construción e a declaración de utilidade pública da referida instalación eléctrica á única persoa que figura afectada pola declaración de utilidade pública na relación de bens e dereitos achegada pola empresa promotora.
4. O proxecto someteuse ao trámite de información pública mediante a Resolución do 27.6.2023, publicada nos seguintes medios:
– DOG (Diario Oficial de Galicia): 20.7.2023.
– Xornal Faro de Vigo: 24.7.2023.
– Taboleiro de anuncios do Concello de Vilanova de Arousa, desde o 20.7.2023 ata o 6.9.2023, segundo o certificado emitido polo propio Concello.
– Portal de transparencia e Goberno aberto da Consellería de Economía, Industria e Innovación.
Durante este trámite non se recibiron alegacións.
Consideracións legais e técnicas:
1. A Xefatura Territorial de Pontevedra é competente para resolver este expediente con fundamento no Decreto 116/2022, do 23 de xuño, polo que se establece a estrutura orgánica da Vicepresidencia Primeira e Consellería de Economía, Industria e Innovación (DOG nº 126, do 4 de xullo), e no Decreto 9/2017, do 12 de xaneiro, polo que se establecen os órganos competentes para a resolución dos procedementos de autorización de instalacións eléctricas que sexan competencia da Comunidade Autónoma de Galicia (DOG nº 22, do 1 de febreiro).
2. A lexislación de aplicación ao presente expediente é:
– Lei 24/2013, do 26 de decembro, do sector eléctrico.
– Lei 39/2015, do 1 de outubro, do procedemento administrativo común das administracións públicas.
– Lei 40/2015, do 1 de outubro, de réxime xurídico do sector público.
– Lei 3/2007, do 9 de abril, de prevención e defensa contra os incendios forestais de Galicia.
– Lei do 16 de decembro de 1954, sobre expropiación forzosa.
– Lei 9/2021, do 25 de febreiro, de simplificación administrativa e de apoio á reactivación económica de Galicia.
– Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica.
– Real decreto lei 23/2020, do 23 de xuño, polo que se aproban medidas en materia de enerxía e noutros ámbitos para a reactivación económica.
– Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias ITC-LAT 01 a 09.
– Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23.
– Decreto do 26 de abril de 1957 polo que se aproba o Regulamento da Lei de expropiación forzosa.
3. As características técnicas da instalación son as que a seguir se describen:
– Substitución do apoio 9RGMC2G4 da liña de media tensión aérea (LMTA) CBD804 por un apoio C-2000/16.
– LMTA a 20 kV, con condutor LA-110, de 63 metros de lonxitude, coa orixe no apoio proxectado C-2000/16 (9RGMC2G4) e final no apoio existente 9RGKT6EA.
– LMTA a 20 kV, con condutor LA-56, de 23 metros de lonxitude, coa orixe no apoio proxectado C-2000/16 e final no apoio existente 9RH42CIQ.
– LMTA a 20 kV, con condutor LA-56, de 3 metros de lonxitude, coa orixe no apoio proxectado C-2000/16 e final no apoio existente 9RGKT6CL.
– Regulado do condutor existente LA-110: 126 metros entre os apoios 9RGKT6EA e 9RGE4725 e 72 metros entre os apoios 9RH4RRIO e o proxectado C-2000/16.
– A instalación está situada na rúa Tarrío, Deiro, no concello de Vilanova de Arousa (Pontevedra).
Conforme o indicado,
RESOLVO:
1. Outorgar á empresa UFD Distribución Electricidad, S.A. as autorizacións administrativas previa e de construción da instalación de distribución de enerxía eléctrica denominada LTMA e substitución do apoio 9RGMC2G4 da LMT CBD804 As Sinas, 4, expediente IN407A 2023/304-4, cuxas características se axustarán en todas as súas partes ás que figuran no proxecto de execución, ás condicións técnicas e de seguridade establecidas nos regulamentos de aplicación e ás condicións establecidas nos condicionados dos organismos que constan no expediente.
2. Declarar a utilidade pública, en concreto, da citada instalación eléctrica, o que leva implícito a necesidade de ocupación dos bens ou de adquisición dos dereitos afectados e implica a urxente ocupación para os efectos do artigo 52 da Lei de expropiación forzosa.
3. A empresa UFD Distribución Electricidad, S.A. asegurará o mantemento e a vixilancia correcta das instalacións durante a construción e despois da súa posta en servizo, co fin de garantir que en todo momento se manterán as condicións regulamentarias de seguridade. En todo momento se deberán cumprir as normas e directrices vixentes que resulten de aplicación, en particular, canto establece o Real decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas de alta tensión e as súas instrucións técnicas complementarias ITC-LAT 01 a 09, e o Real decreto 337/2014, do 9 de maio, polo que se aproban o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias ITC-RAT 01 a 23.
4. O prazo para a posta en marcha das instalacións que se autorizan será de doce meses, contados a partir da data da última autorización administrativa necesaria para a execución. Unha vez constituídas estas instalacións, a empresa promotora deberá presentar a solicitude de autorización de explotación ante esta xefatura territorial acompañada da seguinte documentación:
As declaracións de conformidade relativas ao material ou equipamento, e as certificacións ou homologacións, se procede.
Un certificado de dirección final de obra en que se garantirá o cumprimento das especificacións do proxecto e prescricións complementarias, se as houber, así como das regulamentacións e normas axeitadas para a montaxe da instalación e posta a punto.
Planimetría as built da instalación eléctrica en formato shape.
5. O incumprimento das condicións e requisitos establecidos nesta resolución poderá dar lugar á súa revogación, logo da audiencia á promotora, de conformidade co disposto no artigo 53.10 da Lei 24/2013, do 26 de decembro.
6. Esta autorización outórgase sen prexuízo de terceiros e independentemente das autorizacións, licenzas ou permisos de competencia municipal, provincial ou outros necesarios para a realización das obras da instalación autorizada.
Contra a presente resolución, que non é definitiva en vía administrativa, poderase interpoñer recurso de alzada ante a conselleira de Economía, Industria e Innovación da Xunta de Galicia, no prazo dun mes contado a partir do día seguinte ao da súa notificación ou publicación, de acordo co disposto nos artigos 121 e 122 da Lei 39/2015, do 1 de outubro, do procedemento administrativo común das administracións públicas, sen prexuízo de que os interesados poidan interpoñer calquera outro recurso que consideren pertinente.
Pontevedra, 1 de abril de 2024
Beatriz López del Olmo
Xefa territorial de Pontevedra