Visto o texto da acta do acordo de prorrogar o plan de xubilación parcial anticipada para o persoal de administración e servizos laboral fixo da Universidade de Santiago de Compostela ata o 31 de decembro de 2024, que se subscribiu con data do 18 de xullo de 2023, entre a representación da USC e o Comité Intercentros, e de conformidade co disposto no artigo 90, números 2 y 3, do Real decreto lexislativo 2/2015, do 23 de outubro, polo que se aproba o texto refundido da Lei do Estatuto dos traballadores, e no Real decreto 713/2010, do 28 de maio, sobre rexistro e depósito de convenios colectivos, acordos colectivos de traballo e plans de igualdade.
A Dirección Xeral de Relacións Laborais
RESOLVE:
Primeiro. Ordenar o seu rexistro e depósito no Rexistro de Convenios e Acordos Colectivos de Traballo da Comunidade Autónoma de Galicia (Regcon), creado mediante a Orde do 29 de outubro de 2010 (DOG núm. 222, do 18 de novembro).
Segundo. Dispoñer a súa publicación no Diario Oficial de Galicia.
Santiago de Compostela, 28 de agosto de 2023
Elena Mancha Montero de Espinosa
Directora xeral de Relacións Laborais
Plan de xubilación parcial anticipada para o persoal de administración e servizos laboral fixo da Universidade de Santiago de Compostela
O acordo de xubilación parcial anticipada para o persoal de administración e servizos laboral fixo da Universidade de Santiago de Compostela, asinado o 5 de xullo de 2019, está vixente ata o 31 de decembro de 2023 e pódese prorrogar por anos sucesivos, por acordo expreso de ambas as partes, ata o 31 de decembro de 2027.
A Xerencia, no exercicio das competencias que ten atribuídas, e o Comité Intercentros negociaron e acordaron a prórroga ata o 31 de decembro de 2024 do dito acordo, e se procede á actualización dos requisitos da persoa traballadora de conformidade coa lexislación vixente de aplicación, recollidos no artigo 2 do referido acordo:
2. Requisitos da persoa traballadora:
– Ter a idade mínima establecida pola lexislación aplicable, así como o período de cotización exixido no momento do feito causante:
|
Ano |
Idade exixida segundo os períodos cotizados |
Idade con 33* anos cotizados |
|
|
2023 |
62 anos e 4 meses |
35 anos e 9 meses ou máis |
63 anos e 8 meses |
|
2024 |
62 anos e 6 meses |
36 anos ou máis |
64 anos |
|
2025 |
62 anos e 8 meses |
36 anos e 3 meses ou máis |
64 anos e 4 meses |
|
2026 |
62 anos e 10 meses |
36 anos e 3 meses ou máis |
64 anos e 8 meses |
|
2027 e seguintes |
63 anos |
36 anos e 6 meses ou máis |
65 anos |
* 25 anos no suposto de persoas con discapacidade nun grao igual ou superior ao 33 %.
En mostra de conformidade, asinan o presente acordo en Santiago de Compostela o 18 de xullo de 2023.