No Diario Oficial de Galicia número 39, do 24 de febreiro de 2023, publícase a Orde do 14 de febreiro de 2023 pola que se establecen as bases que rexerán o procedemento de concesión de axudas para a posta en marcha de casas niño durante os anos 2023, 2024, 2025 e 2026, e se procede á súa convocatoria (código de procedemento BS403C).
De conformidade co artigo 17 da antedita orde, a resolución dos expedientes de axuda, logo da fiscalización da proposta, corresponde á persoa titular da Dirección Xeral de Familia, Infancia e Dinamización Demográfica, que resolverá por delegación da persoa titular da Consellería de Política Social e Xuventude.
Unha vez finalizado o procedemento de conformidade coas bases, o 6 de xuño de 2023 o órgano competente para resolver emite a resolución que finaliza o procedemento de concesión de subvencións.
Así mesmo, o artigo 18 da mesma orde establece que se publicarán no Diario Oficial de Galicia, de conformidade co artigo 45 da Lei 39/2015, do 1 de outubro, do procedemento administrativo común das administracións públicas, os actos administrativos de requirimento de emenda de documentación, así como a correspondente resolución.
Polo exposto,
RESOLVO:
Primeiro. Ordenar a publicación no Diario Oficial de Galicia do contido íntegro da Resolución do 6 xuño de 2023, ditada no procedemento BS403C, de concesión de axudas para a posta en marcha de casas niño durante os anos 2023, 2024, 2025 e 2026, que se xunta á presente resolución no anexo.
Segundo. Comunicar que a Resolución do 6 de xuño de 2023, que finaliza este procedemento, esgota a vía administrativa e contra ela poderá interpoñerse recurso potestativo de reposición ante o mesmo órgano que a ditou, no prazo dun mes contado a partir do día seguinte ao da publicación da dita resolución no Diario Oficial de Galicia ou ben directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses contados a partir do día seguinte ao da súa publicación no Diario Oficial de Galicia.
Santiago de Compostela, 7 de xuño de 2023
Jacobo Rey Sastre
Director xeral de Familia, Infancia e Dinamización Demográfica
ANEXO
Resolución do 6 de xuño de 2023 ditada no procedemento BS403C de
concesión de axudas para a posta en marcha de casas niño
durante os anos 2023, 2024, 2025 e 2026
Finalizado o procedemento de conformidade coas bases, despois de que o órgano instrutor realizase todas as actuacións necesarias para a determinación e comprobación dos datos das solicitudes presentadas, e pasase as completas para a súa valoración á Comisión de Valoración, unha vez que esta emitiu informe, o dito órgano instrutor emite a proposta de resolución.
Vista a proposta de resolución da Subdirección Xeral de Demografía e Conciliación, de conformidade co disposto no artigo 14.1 da Orde do 14 de febreiro de 2023 pola que se establecen as bases que rexerán o procedemento de concesión de axudas para a posta en marcha de casas niño durante os anos 2023, 2024, 2025 e 2026,
RESOLVO:
Primeiro. Conceder ás persoas que se relacionan no anexo I as axudas convocadas na dita orde de convocatoria con cargo ás aplicacións orzamentarias 13.02.312B.470.0 e 13.02.312B.770.0.
As axudas concedidas condicionaranse ao cumprimento de todas as obrigas establecidas na Orde do 14 de febreiro de 2023 pola que se establecen as bases que rexerán o procedemento de concesión de axudas para a posta en marcha de casas niño durante os anos 2023, 2024, 2025 e 2026, e se procede á súa convocatoria (código de procedemento BS403C).
A xustificación da subvención realizarase de acordo co establecido no artigo 22 da orde de convocatoria.
O pagamento da subvención realizarase de acordo co establecido no artigo 23 da Orde do 14 de febreiro de 2023.
As persoas beneficiarias disporán dun prazo de 2 meses, ampliable a tres no caso de cooperativas de traballo asociado, contados a partir da publicación desta resolución no Diario Oficial de Galicia para achegar a documentación prevista nas letras m) a p) do artigo 11.1, no caso de que non fose achegada coa solicitude, así como para acreditar o acondicionamento do inmoble de acordo co establecido no artigo 4.1.c) da Orde do 14 de febreiro de 2023.
Segundo. Dar por desistidas e desestimar as solicitudes das persoas relacionadas no anexo II polas causas que se detallan.
Terceiro. Esta resolución, que finaliza o procedemento, esgota a vía administrativa e contra ela poderá interpoñerse recurso potestativo de reposición ante o mesmo órgano que a ditou, no prazo dun mes contado a partir do día seguinte ao da súa publicación no Diario Oficial de Galicia, ou ben directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses contados a partir do día seguinte ao da publicación no Diario Oficial de Galicia.
Santiago de Compostela, 6 de xuño de 2023. A conselleira de Política Social e Xuventude. P.D. (artigo 17 da Orde do 14.2.2023; DOG núm. 39, do 24 de febreiro), Jacobo Rey Sastre, director xeral de Familia, Infancia e Dinamización Demográfica.
ANEXO I
Axudas concedidas
Nº exp. |
Solicitante |
NIF |
Nome casa niño |
Concello |
Provincia |
Puntuación |
Axuda investimento |
Axuda prima anos, 2023, 2024, 2025 e 2026 |
BS403C/2023-2 |
Sonia Calvín López |
***8395** |
Casa Niño Folerpa |
Baleira |
Lugo |
97,50 |
15.000,00 € |
71.866,66 € |
BS403C/2023-3 |
Belén Carrasco Sueiro |
***3304** |
Enredos |
Monterrei |
Ourense |
95,00 |
15.000,00 € |
71.866,66 € |
BS403C/2023-4 |
Yolanda Parauta Rúa |
***7588** |
Abelliñas |
Laza |
Ourense |
112,50 |
15.000,00 € |
71.866,66 € |
BS403C/2023-5 |
Coop. Caixa Titiripaca |
***5669** |
Sementes |
Monfero |
A Coruña |
97,50 |
15.000,00 € |
71.866,66 € |
BS403C/2023-6 |
Yésica de Macedo González |
***3608** |
O Rincón Máxico |
Lobios |
Ourense |
112,50 |
15.000,00 € |
71.866,66 € |
BS403C/2023-8 |
Antía López Álvarez |
***8819** |
Folerpas |
Chandrexa de Queixa |
Ourense |
77,50 |
14.500,00 € |
71.866,66 € |
BS403C/2023-9 |
Jennifer López Alonso |
***7375** |
Vivarachos |
Triacastela |
Lugo |
87,50 |
15.000,00 € |
71.866,66 € |
BS403C/2023-11 |
Rocío Mañana Bouzón |
***0244** |
Os Poliños do Tres |
Vilarmaior |
A Coruña |
97,50 |
15.000,00 € |
71.866,66 € |
BS403C/2023-12 |
Sindy Caneiro García |
***4170** |
Pequena Xesta |
Xunqueira de Espadanedo |
Ourense |
87,50 |
15.000,00 € |
71.866,66 € |
ANEXO II
Solicitudes desistidas e desestimadas
Nº exp. |
Solicitante |
NIF |
Concello |
Provincia |
Causa |
BS403C/2023-1 |
María Barrio Díaz |
***7830** |
Baleira |
Lugo |
Desistencia por non achegar toda a documentación requirida. Artigo 10.3 da Orde do 14 de febreiro de 2023. |
BS403C/2023-10 |
Noelia Parada Quintáns |
***2974** |
Castrelo de Val |
Ourense |
Non acadar o concello do número de nenos residentes necesarios para a posta en marcha da terceira casa niño. Artigo 14 da Orde do 14 de febreiro de 2023. |
BS403C/2023-7 |
Clara María Raposo González |
***2005** |
O Incio |
Lugo |
Incompatibilidade por ser titular dunha casa do maior. Artigo 2 da Orde do 14 de febreiro. |
BS403C/2023-13 |
Ilda María Fernández Álvarez |
***3095** |
San Amaro |
Ourense |
Non acadar o concello o número de nenos residentes necesarios para a posta en marcha da segunda casa niño. Artigo 14 da Orde do 14 de febreiro de 2023. |