Antecedentes de feito:

1. En virtude da Resolución do 18 de marzo de 2021, o director xeral do Instituto Galego da Vivenda e Solo (en diante, IGVS) acordou aprobar inicialmente os proxectos de expropiación forzosa dos bens e dereitos que se precisan ocupar para a execución dos polígonos 1, 2 e 3 do Plan parcial de San Paio de Navia (Vigo), polo procedemento de taxación conxunta, e sometelos a información pública polo prazo dun mes, mediante a inserción dos anuncios no Diario Oficial de Galicia (DOG núm. 63, do 6 de abril) e nos xornais de maior circulación da provincia (os anuncios publicáronse o día 6 de abril de 2021, nas edicións de Deza-Tabeirós, Arousa, Pontevedra e Vigo de La Voz de Galicia, así como no Faro de Vigo).

A taxación dos bens e dereitos que se precisan ocupar neste expediente notificóuselles individualmente aos que aparecen como os seus respectivos titulares, mediante traslado literal da citada Resolución do 18 de marzo de 2021, da correspondente folla de valoración e da proposta de fixación dos criterios de valoración, para que puidesen formular alegacións no prazo dun mes, contado a partir da data de recepción da referida notificación, tal e como se sinala no artigo 118.4 da Lei 2/2016, do 10 de febreiro, do solo de Galicia. Igualmente, a dita resolución publicouse por medio de anuncio no Boletín Oficial del Estado (BOE núm. 85, do 9 de abril), para os efectos previstos no artigo 44 da Lei 39/2015, do 1 de outubro, do procedemento administrativo común das administracións públicas.

Ademais, o expediente estivo exposto ao dispor das persoas interesadas no Concello de Vigo, na sede da Área Provincial do IGVS en Pontevedra e na páxina web do IGVS, http://igvs.xunta.gal/. Igualmente, deuse audiencia ao citado concello e notificóuselle ao Ministerio Fiscal.

2. O 3 de xuño de 2021, a xefa da Área Provincial do IGVS en Pontevedra emprazou mediante publicación no Diario Oficial de Galicia (DOG núm. 116, do 21 de xuño) a aquelas persoas interesadas ás cales non se puido practicar a notificación das referidas follas de valoración, para seren notificadas por comparecencia no citado expediente.

3. O 20 de xullo de 2021, por resolución do director xeral do IGVS, acordouse o inicio dos trámites de exclusión de determinados bens e dereitos do expediente expropiatorio para a execución dos polígonos 1, 2 e 3 do solo residencial de San Paio de Navia, no concello de Vigo (DOG núm. 141, do 26 de xullo e corrección de erros no DOG núm. 143, do 28 de xullo). Con posterioridade, a través da Resolución do director xeral do IGVS do 4 de novembro de 2021 e tras o cumprimento do procedemento administrativo establecido no artigo 295.1 do Decreto 143/2016, do 22 de setembro, que aproba o Regulamento da Lei 2/2016, do 10 de febreiro, do solo de Galicia, acordouse aprobar definitivamente a súa exclusión (DOG núm. 222, do 18 de novembro).

4. Cumpridos os anteriores trámites, a Administración expropiante, por proposta do perito nomeado para os efectos neste expediente, elaborou un informe individualizado sobre cada unha das alegacións presentadas, así como as preceptivas follas de prezo xusto definitivas.

5. En virtude do especificado nos artigos 18 e 19 do Real decreto lexislativo 7/2015, do 30 de outubro, polo que se aproba o texto refundido da Lei do solo e rehabilitación urbana, o 12 de agosto de 2021, mediante resolución administrativa, o director xeral do IGVS acordou aprobar o procedemento e iniciar os trámites para recoñecer o dereito de realoxamento ás persoas ocupantes legais de vivendas que constitúan a súa residencia habitual no ámbito expropiado, actualmente en tramitación.

6. O 25 de novembro de 2021, a Dirección Técnica de Xestión Económica e Orzamentos do IGVS asinou o informe sobre a dispoñibilidade orzamentaria co fin de afrontar os expedientes expropiatarios para a execución dos polígonos 1, 2 e 3 do Plan parcial de San Paio de Navia (Vigo).

7. O 25 de novembro de 2021, a xefa da Área Provincial do IGVS en Pontevedra e representante da Administración desta expropiación emitiu o informe proposta de resolución de aprobación definitiva do proxecto de expropiación forzosa, polo procedemento de taxación conxunta, dos bens e dereitos que se precisan ocupar para a execución do polígono número 1 do Plan parcial de San Paio de Navia (Vigo).

Consideracións legais:

Primeira. O proxecto de expropiación forzosa tramítase polo procedemento de taxación conxunta, de conformidade co disposto no artigo 118 da Lei 2/2016, do 10 de febreiro, do solo de Galicia.

Segunda. O dito proxecto ten por obxecto a expropiación polo IGVS, en beneficio propio, dos bens e dereitos necesarios para a execución do polígono número 1 do Plan parcial de San Paio de Navia (Vigo).

De conformidade co disposto no número 10 do artigo 118 da Lei 2/2016, do 10 de febreiro, o acordo de aprobación definitiva do expediente de taxación conxunta implicará a declaración de urxencia da ocupación dos bens e dereitos afectados.

Terceira. O expediente tramitado reúne a documentación relacionada no artigo 118.1 da Lei 2/2016, do 10 de febreiro. Di así o citado artigo:

«1. Nos supostos do procedemento de taxación conxunta, o expediente conterá os seguintes documentos:

a) Delimitación do ámbito territorial, cos documentos que o identifiquen en canto a situación, superficie e lindes coa descrición de bens e dereitos afectados e a relación dos seus titulares.

b) Fixación de prezos coa valoración razoada do solo, segundo a súa cualificación urbanística.

c) Follas de prezo xusto individualizado de cada predio, nos que se conterá non só o valor do solo, senón tamén o correspondente ás edificacións, obras, instalacións e plantacións.

d) Follas de prezo xusto que correspondan a outras indemnizacións.

2. O proxecto de expropiación, cos documentos sinalados, será aprobado inicialmente e exposto ao público polo prazo dun mes, para que aquelas persoas que poidan resultar interesadas formulen as observacións e reclamacións que xulguen convenientes, en particular no que atinxe á titularidade ou valoración dos seus respectivos dereitos».

A relación das persoas titulares dos bens e dereitos que se expropian, figuran no anexo desta resolución.

Cuarta. O artigo 118.6 da Lei 2/2016, do 10 de febreiro, establece que «emitido informe sobre as alegacións, someterase o expediente á aprobación do órgano municipal autonómico que sexa competente. Enténdese que o órgano autonómico competente será a persoa titular da consellería expropiante».

Pois ben, en virtude do Decreto 130/2020, do 17 de setembro, polo que se establece a estrutura orgánica das vicepresidencias e das consellerías da Xunta de Galicia (DOG núm. 190, do 18 de setembro), o IGVS quedou adscrito á Consellería de Medio Ambiente Territorio e Vivenda. Segundo o anterior, a persoa titular desa consellería sería a competente para ditar esta resolución. Agora ben, a Orde do 25 de outubro de 2019 (DOG núm. 210, do 5 de novembro), sobre delegacións de competencias nos órganos superiores, directivos e periféricos da Consellería de Medio Ambiente, Territorio e Vivenda, establece no seu ordinal terceiro, o cal leva por rúbrica «expropiación forzosa», que «deléganse nas persoas titulares das direccións xerais da consellería, no ámbito das súas respectivas competencias, o exercicio das facultades que o ordenamento xurídico atribúe á persoa titular da consellería expropiante».

Logo do anterior, enténdese competente para ditar esta resolución, por delegación de competencia, a persoa titular da Dirección Xeral do IGVS.

De acordo co informe proposta da xefa da Área Provincial do IGVS en Pontevedra do 25 de novembro de 2021, que consta no expediente,

RESOLVO:

Primeiro. Aprobar definitivamente o proxecto de expropiación forzosa, polo procedemento de taxación conxunta, dos bens e dereitos que se precisan ocupar para a execución do polígono número 1 do Plan parcial de San Paio de Navia (Vigo), coa estimación ou desestimación das alegacións presentadas, segundo os casos, nos termos que aparecen nos informes, respecto de cada unha delas que constan no expediente e, consecuentemente, a declaración de urxente ocupación dos bens e dereitos afectados polo proxecto de expropiación.

O pagamento ou depósito do importe da valoración establecida producirá os efectos previstos nos números 6, 7 e 8 do artigo 52 da Lei do 16 de decembro de 1954, de expropiación forzosa, sen prexuízo de que continúe a tramitación do procedemento para a definitiva fixación do prezo xusto en vía administrativa.

Segundo. Ordenar a notificación desta resolución, de xeito individualizado, a todos os que aparezan como titulares de bens ou dereitos que figuran como tales neste expediente de expropiación, ao que se lle deberá unir a correspondente folla de prezo xusto definitiva.

Igualmente, deberase notificar esta resolución ao Ministerio Fiscal, para os efectos establecidos no artigo 5 da Lei de expropiación forzosa, en relación coas persoas propietarias descoñecidas, e á Delegación Provincial do Ministerio de Economía e Facenda en Pontevedra, unha vez determinado, con carácter firme, o prezo xusto dos bens, dereitos ou intereses patrimoniais que se expropian.

Terceiro. Ordenar a publicación desta resolución, así como o seu anexo, que contén a relación das persoas titulares dos ben e dereitos que se expropian, no Diario Oficial de Galicia e no taboleiro de edictos do Concello de Vigo. Así mesmo, publicarase un anuncio no Boletín Oficial del Estado, para os efectos de que sirva de notificación ás persoas propietarias descoñecidas e das cales se ignore o lugar de notificación ou o medio, ou ben, intentada esta non se puidese practicar, de conformidade co establecido no artigo 44 da Lei 39/2015, do 1 de outubro, do procedemento administrativo común das administracións públicas.

Durante o prazo de vinte días, contados desde o seguinte da recepción da notificación ou, de ser o caso, da data da publicación no Boletín Oficial del Estado, os interesados poderán manifestar, mediante escrito dirixido á Dirección Xeral do IGVS, a súa desconformidade coa valoración fixada no expediente aprobado, conforme o que dispón o artigo 118.7 da Lei 2/2016, do 10 de febreiro.

A dita desconformidade presentarase preferiblemente por vía electrónica a través do procedemento normalizado con código de procedemento PR004A dispoñible na sede electrónica da Xunta de Galicia https://sede.xunta.gal/, que deberá dirixirse á Dirección Xeral do IGVS.

Para a presentación electrónica poderá empregarse calquera dos medios de identificación e sinatura admitidos pola sede electrónica da Xunta de Galicia, incluído o sistema de usuario e clave Chave 365 (https://sede.xunta.gal/chave365).

Aqueles suxeitos non obrigados a relacionarse electronicamente coas administracións públicas, conforme o artigo 14 da Lei 39/2015, do 1 de outubro, poderán presentar a súa desconformidade na Área Provincial do IGVS en Pontevedra (sita na rúa Alcalde Hevia, 7, 36071 Pontevedra).

Transcorrido o citado prazo sen que se formule oposición á valoración, entenderase aceptada a que se fixou no acto aprobatorio do expediente e entenderase determinado o prezo xusto definitivamente, de conformidade co artigo 118.8 da Lei 2/2016, do 10 de febreiro.

Contra esta resolución, que pon fin á vía administrativa, poderase interpor recurso potestativo de reposición ante a conselleira de Medio Ambiente, Territorio e Vivenda, no prazo dun mes, contado a partir do día seguinte ao da súa notificación, ou recurso contencioso-administrativo, de conformidade coa Lei 29/1998, do 13 de xullo, da xurisdición contencioso-administrativa.

Santiago de Compostela, 26 de novembro de 2021

A conselleira de Medio Ambiente, Territorio e Vivenda
P.D. (Orde do 25.10.2019)
Heriberto García Porto
Director xeral do Instituto Galego da Vivenda e Solo

ANEXO

Relación das persoas titulares dos bens e dereitos que se expropian para a execución do polígono número 1 do Plan parcial de San Paio de Navia (Vigo)

Nº orde	Ref. catastral	Persoas titulares	Supef. exp. (m2)	Afección
63A		Rodríguez Costas, herdeiros de Alcira	39	Total
64A		Villar Méndez, Fernando e outros	70	Total
70-1	9736126NG1793N	Romero Fernández, Feliciano e outra	21,98	Parcial
71	9736127NG1793N	Pérez Estévez, José	2.286,14	Parcial
73	9838421NG1793N	Rodríguez Iglesias, Manuel	1.409,36	Parcial
75	9838402NG1793N	Cadavid Pérez, Francisco	43	Total
75-1	9838433NG1793N	Cadavid Pérez, Francisco	257	Total
77	9736113NG1793N	Alonso Cochón, Ángel	104,63	Parcial
077AR1	9736113NG1793N-AR1	La Barca Pasiva	0	Arrendatario
077AR2	9736113NG1793N-AR2	Acosta Lopez, Martín e outros	0	Arrendatario
78	9736114NG1793N	Goberna Fernández, herdeiros de Marcial	189,56	Parcial
78-1	97361F0NG1793N	Goberna Fernández, herdeiros de Marcial	87,99	Parcial
79	9736115NG1793N	Díaz Díaz, Elena	92,16	Parcial
80	9736116NG1793N	Goberna, Julia	151,19	Parcial
81	9736117NG1793N	Abreu Janeiro, Elvira e outros	612	Total
81-1	97361E6NG1793N	Abreu Janeiro, Elvira e outros	501	Total
82	9736118NG1793N	Costas Costas, Mercedes	240	Total
83	9736119NG1793N	Dasilva Caballero, Julita María del Rosario e outro	251	Total
84	97361F5NG1793N	Dasilva Caballero, Julita María del Rosario e outro	503	Total
84-1	97361F6NG1793N	Dasilva Caballero, Julita María del Rosario e outro	502	Total
87	9736124NG1793N	Cid González, Carla e outros	2.457	Total
89	97361E8NG1793N	42 Norte, S.A.	148,7	Parcial
90-1	97361G0NG1793N	Rial Alonso, José Luis e outros	247	Total
102	9935817NG1793N	Alonso Aldao, Eduardo e outra	1.351	Total
105	9935871NG1793N	Celaya Alonso, herdeiros de María Teresa	99	Total
114	0036101NG2703N	Descoñecido	51	Total
116	9935815NG1793N	Costas González, María Consuelo	411	Total
117	9935814NG1793N	Estévez Comesaña, Luis e outros	180	Total
118	9935813NG1793N	Descoñecido	469	Total
119	9935810NG1793N	Giadas Nieto, Teresa e outros	1.096	Total
120	9935875NG1793N	Rey Goberna, Lisardo	101,18	Parcial
131A		Rodríguez Díaz, José Luis e outra	173	Total
133	9935829NG1793N	Alonso	234	Total
141	9935857NG1793N	Alonso Rial, herdeiros de Florentino	718	Total
143	9935864NG1793N	Faria Comesaña, herdeiros de Carmen	678	Total
145	9935834NG1793N	Descoñecido	156	Total
147	9935836NG1793N	Rodríguez Costas, herdeiros de Alcira	40	Total
151	9935863NG1793N	Villar Méndez, Fernando e outros	161	Total
152	9935859NG1793N	Fernández Freire, Francisco Javier	817	Total
153	9935860NG1793N	Comesaña Pardellas, Benigna Concepción	333,61	Total
153-1	9935860NG1793N	Comesaña Pardellas, Benigna Concepción	85,39	Total
155	9935861NG1793N	Estévez Comesaña, Luis e outros	280	Total
157	9935840NG1793N	Villar Méndez, Fernando e outros	460	Total
162	9935852NG1793N	Pazo Palmas, Teresa de Jesús	290	Total
164-1	9935879NG1793N	Descoñecido	148	Total
167	9935801NG1793N	Gestoso Rodríguez, heredeiros de José e outros	442	Total
173	9733849NG1793S	Pedra Seixa, S.L.	188	Total
174	9733820NG1793S	Fernández Comesaña, Guillermo	243	Total
176	9935845NG1793N	Álvarez Dávila, María Teresa del Carmen e outra	559	Total
176-1	9935876NG1793N	Fernández González, herdeiros de Jesús	566	Total
192	9733825NG1793S	Saure, S.L.	603	Total
193	9733824NG1793S	Comesaña Pazó, José	845	Total
194	9733823NG1793S	Descoñecido	430	Total
197	9733815NG1793S	Martínez de Alegría Martínez de Ilarduya, María Elena	713,2	Parcial
205	9933116NG1793S	Descoñecido	89	Total