DCT divorcio contencioso 1558/2015
Procedemento orixe: /
Sobre: divorcio contencioso
Demandante: Abibatou Niasse
Procuradora: Uxía Ríos Tesouro
Avogado: Mario Folla Pérez
Demandado: Mouhamadou Diouck
No procedemento de referencia foi pronunciada a resolución que ten o teor literal seguinte:
«Sentenza nº 346/2021
Maxistrada xuíza Laura Guede Gallego
Ourense, 29 de abril de 2021
Vistos os presentes autos nº 1558/2015 sobre divorcio, promovidos pola procuradora Sra. Ríos en nome e representación de Abibatou Niasse como demandante, asistida polo letrado Sr. Folla contra Mouhamadou Diouck, que foi declarado en rebeldía, con intervención do Ministerio Fiscal.
Decido:
Acordo a disolución do matrimonio formado por Abibatou Niasse e Mouhamadou Diouck con todos os efectos legais inherentes á devandita disolución. Acórdanse como medidas definitivas:
a) Atribuír a garda e custodia da menor K. D., nacida o 21.11.2006, á nai.
b) Atribuír o exercicio exclusivo da patria potestade á nai.
c) Suspender o réxime de visitas que Mouhamadou Diouck poida ter coa súa filla.
d) En concepto de alimentos a favor da filla, establécese a obrigación do pai de aboar, dentro dos cinco días hábiles de cada mes e na conta que designe a demandante, a suma de 100 euros, que serán anualmente actualizados en función das variacións que experimente o IPC ou índice que o substitúa a un de xaneiro. Así mesmo, establécese a obrigación de aboar o 50 % dos gastos de material escolar que se xeran anualmente no mes de setembro e o 50 % dos gastos extraordinarios, diferenciando entre os necesarios (aqueles sanitarios e farmacéuticos non cubertos pola Seguridade Social) e os non necesarios, sendo necesario o previo consentimento para estes últimos e non para os primeiros.
Non se impoñen as custas do presente procedemento a ningunha das partes.
Esta sentenza non é firme. Conforme o disposto no artigo 208.4 LAC, indícase que contra a presente resolución cabe interpoñer, no prazo de 20 días, recurso de apelación (artigos 457 e ss. LAC) ante este tribunal e que se debe constituír o depósito legalmente establecido.
Unha vez firme esta resolución, comuníquese de oficio para a súa anotación no Rexistro Civil Central, onde figura a inscrición do matrimonio cuxa disolución se declara.
Así o acorda, manda e asina S.Sª. Dou fe.
E como consecuencia do ignorado paradoiro de Mouhamadou Diouck, esténdese a presente para que sirva de cédula de notificación.
Ourense, 30 de abril de 2021
O/a letrado da Administración de xustiza