Neste órgano xudicial tramítase procedemento ordinario 172/2020, seguido por instancia de Juan Fernández Hernanz contra Malika Bechari, en que, por resolución do 12.1.2021, se ditou a seguinte:
Sentenza.
A Estrada, 12 de xaneiro de 2021.
Vistos por min, Ricardo Antonio López Fernández, maxistrado do Xulgado de Primeira Instancia e Instrución número 1, Xulgado de violencia sobre a muller da Estrada e o seu partido xudicial, os presentes autos de xuízo ordinario seguidos co número 172/2020 por instancia de Juan Fernández Hernanz, representado pola procuradora dos tribunais Sra. Méndez-Benegassi Gamallo, e asistido pola letrada Sra. Bouzón Neira, contra Malika Bechari, que foi declarada en situación de rebeldía procesual, versando sobre privación da patria potestade do menor Juan Miguel Fernández Bechari.
Interveu o Ministerio Fiscal, representado por Alejandro Tuero González.
Parte dispositiva.
Debo estimar e estimo integramente a demanda interposta por Juan Fernández Hernanz, representado pola procuradora dos tribunais Sra. Méndez-Benegassi Gamallo, contra Malika Bechari, que foi declarada en situación de rebeldía procesual e, en consecuencia, acordo privar a Malika Bechari da patria potestade que exercía sobre o seu fillo Juan Miguel e a atribución do exercicio exclusivo da patria potestade ao demandante Juan Fernández Hernanz.
Non procede facer expresa imposición de custas por ser un procedemento de interese público.
Esta resolución é susceptible de recurso de apelación en ambos os efectos ante a Audiencia Provincial de Pontevedra, no prazo dos vinte días seguintes contados desde a súa notificación. Para a interposición do recurso deberase acreditar, no momento de prepararse o recurso, a consignación dun depósito de 50 euros (cincuenta euros) na conta de consignacións e depósitos deste xulgado, baixo apercibimento de non admitir a trámite o recurso.
Notifíqueselles a presente resolución ás partes e incorpórese a orixinal ao libro de sentenzas, con dedución de testemuño que se unirá ás presentes actuacións.
Así o acordo, mando e asino.
A Estrada, 8 de febreiro de 2021
O/a letrado/a da Administración de xustiza