Eu, Rafael González Alió, letrado da Administración de xustiza do Xulgado do Social número 1 de Lugo, fago saber que no procedemento ordinario 974/2019 deste xulgado do social, seguido por instancia de Andrés Ferreiro Besteiro contra Isempa, S.L.; Otega Ingeniería, S.L.; Eofuz, S.L.; Isempa Solar, S.L. e Eogal Bioenergía, S.L., sobre ordinario, se ditouse auto cuxa parte dispositiva é do seguinte teor literal:

«Parte dispositiva

Dispoño:

Primeiro. Rectificar a Sentenza do 25.2.2021 nos seguintes termos:

• No antecedente de feito terceiro:

Onde di: “Terceiro. Á vista compareceu só a parte demandante. Unha vez aberto o acto, a demandante ratificouse na demanda e solicitou o seu rexeitamento íntegro”.

Debe dicir: ”Terceiro. Á vista compareceron a parte demandante e Isempa Solar, S.L. Unha vez aberto o acto, a demandante ratificouse na demanda e solicitou a súa aceptación íntegra”.

• No fundamento de dereito terceiro:

Onde di: “Terceiro. Solicita a entidade demandada que se condene a Otega Ingeniería, S.L.; Eofuz, S.L.; Isempa Solar, S.L. e Eogal Bionergía, S.L. ao aboamento de …”.

Debe dicir: “Terceiro. Solicita a entidade demandante que se condene a Otega Ingeniería, S.L.; Eofuz, S.L.; Isempa Solar, S.L. e Eogal Bionergía, S.L. ao aboamento de …”.

Segundo. Incorpórese esta resolución ao libro que corresponda e lévese testemuño aos autos.

Notifíqueselles ás partes facéndolles saber que, en aplicación do mandado contido no artigo 53.2 da LXS, no primeiro escrito ou comparecencia ante o órgano xudicial, as partes ou os interesados e, de ser o caso, os profesionais designados, sinalarán un domicilio e os datos completos para efectuar actos de comunicación. O domicilio e os datos de localización facilitados con tal fin producirán plenos efectos e as notificacións neles tentadas sen efecto serán válidas mentres tanto non sexan facilitados outros datos alternativos; e será carga procesual das partes e dos seus representantes mantelos actualizados. Así mesmo, deberán comunicar os cambios relativos ao seu número de teléfono, fax, enderezo electrónico ou similar, sempre que estes últimos estean a ser utilizados como instrumentos de comunicación co tribunal.

Contra este auto non cabe interpor recurso ningún distinto ao que, de ser o caso, poida interporse fronte á resolución aclarada.

Así o acorda e asina S.Sª. Dou fe».

E para que lles sirva de notificación en legal forma a Otega Ingeniería, S.L.; Eofuz, S.L. e Eogal Bioenergía, S.L., en paradoiro ignorado, expido o presente edicto para a súa inserción no Diario Oficial de Galicia.

Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que deban revestir forma de auto ou sentenza, ou cando se trate de emprazamento.

Lugo, 12 de marzo de 2021

O letrado da Administración de xustiza