Faise público que, a Presidencia, con data do 21.7.2020, resolveu o seguinte:

Con data do 17.12.2019, a Presidencia da Deputación Provincial de Ourense aprobou provisionalmente o estudo de delimitación de treitos urbanos nas estradas provinciais que discorren polos solos de núcleo rural no concello de Taboadela. A citada aprobación foi exposta ao trámite de información pública mediante un anuncio publicado no Diario Oficial de Galicia (DOG núm. 12, do 20.1.2020), no taboleiro de anuncios do Concello de Taboadela e na sede electrónica da Deputación Provincial de Ourense durante o prazo de trinta (30) días hábiles. Simultaneamente, a delimitación proposta foi sometida a informe do Concello de Taboadela durante idéntico prazo. Transcorrido o dito prazo non foron recibidas alegacións nin informe do Concello en contra da delimitación proposta.

O 13.3.2020, o expediente de delimitación de treitos urbanos foi enviado á Consellería de Infraestruturas e Mobilidade para que emitise informe preceptivo e vinculante sobre a delimitación proposta co obxecto de poder adoptar a aprobación definitiva. Con data do 8.6.2020, a Consellería de Infraestruturas e Mobilidade emitiu informe desfavorable obrigando á realización das seguintes correccións:

– «d) Nos núcleos rurais de Pereiras e Venda do Río o estudo reproduce os planos de ordenación urbanística da modificación puntual nº 3 do PXOM. As aliñacións grafadas nestes planos, pese a identificarse na lenda como aliñacións de edificación, parecen corresponderse coas aliñacións de viario (peches) definidas nas ordenanzas de aplicación. Ademais, na ordenanza de núcleo rural común establécese un recuado da edificación de 4 m respecto do peche oficial da parcela (aliñación de viario). Ante esta contradición e aplicando, conforme o previsto no artigo 6 da Lei 2/2016, do 10 de febreiro, do solo de Galicia, o principio de interpretación integrada das normas, considérase que a aliñación grafada nos planos de ordenación destes núcleos rurais se corresponde coa aliñación de viario (peches) e polo tanto no estudo se deberían grafar, no solo de núcleo rural común, as aliñacións de edificación a unha distancia de 4 m das aliñacións de viario.

– e) No estudo hai treitos que discorren por solo de núcleo rural que non se recoñecen por non contar con aliñacións definidas no instrumento de planeamento. Nestes treitos, debe representarse a liña de delimitación da zona de afección da estrada nos planos de tramos urbanos sobre ortoimaxe. Por outro lado, existen erros á hora de aplicar este criterio nalgúns núcleos rurais (treitos que contan con aliñacións e non se recoñecen, e treitos que non contan con aliñacións e que se recoñecen). En particular, deben revisarse os treitos recoñecidos na estrada OU-0516 ao seu paso polos núcleos rurais de Mesón de Calvos e Casanova e na estrada OU-0515 ao seu paso polo núcleo rural de Abeledo.

– f) Nos planos dos núcleos rurais de Abeledo, Vilar, Xociños, Pumar, O Castro e Taboadela, hai treitos da estrada OU-0515 que non se recoñecen como treito urbano pero isto non se reflicte nas táboas de delimitación recollidas na memoria do estudo.

– g) O núcleo rural de Pereiras aparece erroneamente identificado como Pedreiras na táboa de delimitación de tramos urbanos da memoria do estudo».

O 17.6.2020, o estudo de delimitación corrixido foi enviado novamente á Consellería de Infraestruturas e Mobilidade que emitiu informe favorable o 29.6.2020, condicionado á realización dunha nova corrección:

– «d) nos planos de ordenación dos núcleos rurais de Pereiras e Venda do Río, en solo de núcleo rural común, na estrada OU-0515, falta grafar as aliñacións de edificación a 4 m das aliñacións de viario».

A derradeira corrección foi realizada o 16.7.2020.

Polo exposto,

DISPOÑO:

Primeiro. Aprobar definitivamente o estudo de delimitación dos seguintes treitos urbanos nas estradas provinciais que discorren polos solos de núcleo rural no concello de Taboadela.

Concello	Estrada	Núcleo	Marxe dereita			Marxe esquerda			Coordenadas
PKi	PKf	Lonxitude	PKi	PKf	Lonxitude	Inicio	Final
Taboadela	OU-0102	Pedreiras-A Venda do Río	10+235	11+045	810	10+230	10+995	765	42.264066, -7.791790	42.265742, -7.800883
			11+115	11+310	195	11+115	11+175	60	42.266170, -7.801555	42.267525, -7.802978
			11+320	11+890	570	11+310	11+955	645	42.267525, -7.802978	42.271246, -7.808970
	OU-0515	Pedreiras-A Venda do Río	0+000	0+215	215	0+000	0+170	170	42.264976, -7.799264	42.263089, -7.799035
		Abeledo	1+195	1+675	480	1+210	1+675	465	42,254584, -7.797304	42.251101, -7.799064
		Pazos de Rabeda-Silvoso-Silvosiño	2+040	2+580	540	2+053	2+580	527	42.249141, -7.802687	42.246963, -7.808360
		Vilar-Xociños-Pumar-O Castro	2+810	4+100	1290	2+805	2+864	59	42.246284, -7.810957	42.242241, -7.822163
						2+935	3+835	900
						3+974	4+095	121
		Taboadela	4+290	4+415	125				42.241404, -7.824258	42.241158, -7.825613
	OU-0516	Santa Locaia	0+650	0+890	240	0+575	0+890	315	42.261684, -7.837987	42.260283, -7.841012
			0+985	1+040	55				42.259909, -7.842038	42.259681, -7.842617
			1+270	1+305	35				42.259184, -7.844063	42.259386, -7.844407
		Veredo	0+069	0+180	111	0+069	0+180	111	42.264371, -7.833131	42.263688, -7.834093
		Mesón de Calvos-Casanova	0+240	0+510	270	0+264	0+415	151	42.263376, -7.834719	42.262064, -7.837437

Segundo. Ordenar a publicación da resolución de aprobación definitiva no Diario Oficial de Galicia.

Terceiro. Notificar a resolución de aprobación definitiva á Consellería de Infraestruturas e Mobilidade e ao Concello de Taboadela.

Ourense, 22 de xullo de 2020

José Manuel Baltar Blanco
Presidente da Deputación Provincial de Ourense