Tipo e nº de recurso: RSU. Recurso de suplicación 4187/2019-CON

Xulgado de orixe/autos: PO. Procedemento ordinario 382/2018. Xulgado do Social número 4 de Vigo

Recorrente: Zardoya Otis, S.A.

Avogado: Carlos Cortizo Míguez

Recorridos: Fogasa, Andrés García Fernández, Aplicaciones Esgon, S.L.

Avogado/a: letrado/a de Fogasa, Ignacio Piñeiro Nogueira

Eu, María Socorro Bazarra Varela, letrada da Administración de xustiza da Sala do Social do Tribunal Superior de Xustiza de Galicia, fago saber que no procedemento de recurso de suplicación 4187/2019-CON desta sección, seguido por instancia de Zardoya Otis, S.A. contra Fogasa, Andrés García Fernández e Aplicaciones Esgon, S.L., sobre reclamación de cantidade, se ditou a seguinte resolución:

Que, desestimando o recurso de suplicación interposto por Zardoya Otis, S.A. contra a Sentenza do 29 de abril de 2019, ditada polo Xulgado do Social número 4 de Vigo no procedemento 382/2018, sobre cantidades, debemos confirmar e confirmamos integramente a sentenza impugnada.

Ao non gozar a parte vencida do beneficio de xustiza, procede condenala ás causadas nesta fase do proceso, con inclusión dos honorarios de letrado ao ter sido impugnado o seu recurso por importe de 550 € (artigo 235.1 da Lei reguladora da xurisdición social).

Así mesmo, procede a perda do depósito constituído para interpor recurso, ao cal se dará o destino que corresponda (artigo 203 do mesmo texto legal).

Incorpórese o orixinal desta sentenza, pola súa orde, ao libro de sentenzas do Tribunal Superior de Xustiza de Galicia. Sala do Social.

Modo de impugnación. Fáiselles saber ás partes que contra esta sentenza cabe interpor recurso de casación para unificación de doutrina que se deberá preparar mediante escrito presentado ante esta sala dentro do improrrogable prazo de dez días hábiles inmediatos seguintes ao da data de notificación da sentenza. Se o recorrente non ten a condición de traballador ou beneficiario do réxime público da Seguridade Social, deberá efectuar:

– O depósito de 600 € na conta de 16 díxitos desta sala, aberta no Banco de Santander (Banesto) co número 1552 0000 37, seguido de catro díxitos correspondentes ao número do recurso e dous díxitos do ano deste.

– Así mesmo, se hai cantidade de condena deberá consignala na mesma conta, pero co código 80, en vez do 37, ou ben presentar aval bancario solidario en forma.

– Se o ingreso se fai mediante transferencia bancaria desde unha conta aberta en calquera entidade bancaria distinta, haberá que emitila á conta de vinte díxitos 0049 3569 92 0005001274 e facer constar no campo Observacións ou Concepto da transferencia os 16 díxitos que corresponden ao procedemento (1552 0000 80 ou 37 **** ++).

Así o pronunciamos, mandamos e asinamos por esta nosa sentenza.

Para que sirva de notificación en legal forma a Aplicaciones Esgon, S.L., en ignorado paradoiro, expido este edicto para a súa inserción no Diario Oficial de Galicia.

Advírteselle á destinataria que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que sexan auto ou sentenza, ou cando se trate de emprazamento.

A Coruña, 18 de maio de 2020

A letrada da Administración de xustiza