Visto o expediente instruído para efectos de transmisión inter vivos da batea J.G.A. V e da concesión administrativa que a ampara, resulta:

a) Antecedentes:

Primeiro. O 25 de abril de 2019, José Ramón, Claudio e María Valentina Fungueiriño Castro solicitaron autorización para a transmisión da concesión e da batea J.G.A. V, a favor de Mejilloneras Evama, S.L.

Segundo. Os solicitantes presentaron toda a documentación requirida para a tramitación deste tipo de procedementos.

Terceiro. Os informes do Servizo de Protección dos Recursos sobre as características da batea e da Dirección Xeral de Pesca, Acuicultura e Innovación Tecnolóxica sobre a tramitación do expediente son favorables.

B ) Consideracións legais e técnicas:

Primeira. Este órgano é competente para resolver o expediente, consonte a Lei 11/2008, do 3 de decembro, de pesca de Galicia (DOG número 243, do 16 de decembro), modificada pola Lei 6/2009, do 11 de decembro (DOG número 243, do 15 de decembro), e coa Orde do 8 de setembro de 2017 de delegación de competencias na Secretaría Xeral Técnica da Consellería do Mar nas direccións xerais e xefaturas territoriais e na Presidencia do Consello de Administración do ente público Portos de Galicia.

Segunda. O expediente seguiu todos os trámites establecidos na Lei 39/2015, do 1 de outubro, do procedemento administrativo común das administracións públicas (BOE número 236, do 2 de outubro), coas especialidades previstas no Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia (DOG número 228, do 21 de novembro), e na Orde do 15 de xuño de 1999 pola que se regula o procedemento para a transmisión da titularidade das concesións das bateas de cultivos mariños nas augas de Galicia (DOG número 126, do 2 de xullo).

Vistas as disposicións citadas, esta consellería resolve:

Autorizar a transmisión inter vivos, a favor de Mejilloneras Evama, S.L., da concesión administrativa e da batea que se indica a continuación:

Identificación:

Tipo: batea.

Nome: J.G.A. V.

Localización:

Cuadrícula nº: 98.

Polígono: E.

Distrito: Caramiñal (A Coruña).

Especies autorizadas: mexillón (Mytilus galloprovincialis).

Título habilitante: concesión administrativa.

Orde de outorgamento: 10.1.1968.

Remate da vixencia: 15.12.2029.

Actuais titulares: José Ramón Fungueiriño Castro (***5223**), Claudio Fungueiriño Castro (***0693**) e Maria Valentina Fungueiriño Castro (***3691**).

Nova titular: Mejilloneras Evama, S.L. (***5034**).

Baixo as seguintes condicións:

Primeira. Os titulares actuais deberán presentar no prazo máximo dun mes, contado desde o día seguinte ao da publicación da presente resolución no Diario Oficial de Galicia, orixinal ou fotocopia cotexada da seguinte documentación:

a) Documento notarial da transmisión ou doazón.

b) Solicitude ou carta de pagamento do imposto de transmisións patrimoniais ou documento de sucesións.

Segunda. Transcorrido o prazo indicado na condición primeira sen ter achegado a documentación requirida, a autorización quedará sen efecto, logo de comunicación por parte da consellería.

Terceira. A nova titular da concesión queda subrogada nos dereitos e nas obrigas dos anteriores titulares desde o momento da formalización da compravenda en escritura pública.

Contra a presente resolución, que esgota a vía administrativa, poderá interpoñerse recurso potestativo de reposición no prazo dun mes ante a conselleira do Mar, ou recurso contencioso-administrativo ante a xurisdición contencioso-administrativa, que se interporá no prazo de dous meses, de conformidade co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e no artigo 46.1 da Lei 29/1998, do 13 de xullo, reguladora da xurisdición contencioso-administrativa.

Este prazo comezará a contar desde o día seguinte a aquel en que perda vixencia o Real decreto 463/2020, do 14 de marzo, polo que se declara o estado de alarma para a xestión da crise sanitaria ocasionada polo COVID-19 e, de ser o caso, as súas prórrogas, contados en ambos os casos desde o día seguinte ao da súa publicación.

A Coruña, 21 de abril de 2020

A conselleira do Mar
P.D. (Orde do 8.9.2017)
O xefe territorial da Coruña
Por delegación de funcións (Resolución do 6.11.2019)
Mª José Cancelo Baquero
Xefa do Servizo de Recursos Mariños