Eu, Gema Antolín Pérez, letrada da Administración de xustiza do Xulgado de Primeira Instancia número 5 de Pontevedra, polo presente
Anuncio:
Que no presente procedemento DCT 308/2018 seguido por instancia de José Manuel Sánchez Mariño contra Marta María Torres Zaragoza foi ditada a sentenza cuxo encabezamento e parte dispositiva son do teor literal seguinte:
«Sentenza: 75/2019.
Pontevedra, 26 de febreiro de 2019.
Vistos por min, Mª del Mar Felices Esteban, maxistrada xuíza do Xulgado de Primeira Instancia número 5 de Pontevedra, os precedentes autos de xuízo de divorcio seguidos ante este xulgado co número 308/2018, nos cales é parte demandante José Manuel Sánchez Mariño, representado polo procurador Jorge Ignacio Freire Rodríguez e asistido da letrada Lucía Fernández Gutiérrez, e como parte demandada Marta María Torres Zaragoza, declarada en rebeldía procesual.
Decido.
Estimar a demanda presentada polo procurador Jorge Ignacio Freire Rodríguez en nome e representación de José Manuel Sánchez Mariño, contra Marta María Torres Zaragoza, en rebeldía procesual, e, en consecuencia, declaro a disolución por divorcio do matrimonio contraído entre os litigantes no 16 de setembro de 1988, rexistrado no tomo 21, páxina 228 da Sección Segunda do Rexistro Civil de La Seu d´Urgell; con todos os efectos legais que esta declaración carreta. Enténdense revogados definitivamente os poderes e consentimentos que os cónxuxes se tiveren outorgado. Os cónxuxes poderán vivir separados e cesa a presunción de convivencia conxugal.
Todo isto sen facer expresa imposición das custas.
Firme esta resolución, comuníquese de oficio ao rexistro civil onde consta inscrito o matrimonio dos cónxuxes litigantes, Rexistro Civil de La Seu d´Urgell.
Notifíquese esta resolución en forma legal ás partes, ás cales se advirte que contra ela cabe recurso de apelación para ante a Audiencia Provincial de Pontevedra, que se substanciará polas regras establecidas na Lei de axuizamento civil.
Así o pronuncio, mando e asino por esta miña sentenza, definitivamente xulgando en primeira instancia».
Publicación. A anterior resolución foi lida, e publicada pola xuíza que a autoriza, en audiencia pública, lugar e data indicados nela. Dou fe.
E atopándose a dita demandada, Marta María Torres Zaragoza, en paradoiro descoñecido, expídese este edicto co fin de que lle sirva de notificación en forma.
Pontevedra, 14 de outubro de 2019
A letrada da Administración de xustiza