O representante da titularidade do centro autorizado de ensinanzas deportivas (CAD) Cented solicita o cambio de domicilio por traslado de instalacións da rúa Un, nº 9, Urbanización Monterrei, do Pereiro de Aguiar, á Estrada do Seminario, nº 18, de Ourense.
O Decreto 410/2003, do 6 de novembro, regula os requisitos e o procedemento para a autorización a centros privados e a centros públicos que non sexan de titularidade da Consellería de Educación e Ordenación Universitaria para impartir ensinanzas de técnicos deportivos na Comunidade Autónoma de Galicia; norma desenvolvida polas ordes desta consellería do 12 de abril de 2004 e do 23 de abril de 2004, en que se determinan o procedemento de autorización e os requisitos mínimos dos espazos administrativos e docentes xenéricos con que deben contar os centros.
Por canto antecede, por proposta da Dirección Xeral de Centros e Recursos Humanos,
DISPOÑO:
Artigo 1. Cambio de domicilio por traslado de instalacións
Autorizar o cambio de domicilio por traslado de instalacións do centro docente cuxa configuración será a que se sinala a seguir:
Denominación xenérica: Centro Autorizado de Ensinanzas Deportivas (CAD).
Denominación específica: Cented.
Código do centro: 32020896.
Titular: 2005 Tecniproneo, S.L.
Enderezo: Estrada do Seminario, nº 18.
Localidade: Ourense.
Concello: Ourense.
Código postal: 32002.
Provincia: Ourense.
Ensinanzas autorizadas:
Grao medio:
• As ensinanzas conducentes á obtención do título de técnico deportivo en Fútbol (2 unidades para 30 alumnos/as cada unha).
• As ensinanzas conducentes á obtención do título de técnico deportivo en Fútbol Sala (2 unidades para 30 alumnos/as cada unha).
Grao superior:
• As ensinanzas conducentes á obtención do título de técnico deportivo superior en Fútbol (1 unidade para 30 alumnos/as).
• As ensinanzas conducentes á obtención do título de técnico deportivo superior en Fútbol Sala (1 unidade para 30 alumnos/as).
Artigo 2. Inscrición no Rexistro de Centros
Esta orde dará lugar á correspondente inscrición no Rexistro de Centros da Comunidade Autónoma de Galicia.
Artigo 3. Modificación da autorización
O centro queda obrigado ao cumprimento da normativa vixente e a solicitar a oportuna revisión cando teña que modificarse calquera dos datos que se sinalan nesta orde.
Contra esta orde, que esgota a vía administrativa, as persoas interesadas poderán formular recurso potestativo de reposición ante esta consellería, no prazo dun mes, contado a partir do día seguinte ao da súa publicación no Diario Oficial de Galicia, segundo o disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou ben, directamente, recurso contencioso-administrativo no prazo de dous meses desde a mesma data, ante a Sala do Contencioso-Administrativo do Tribunal Superior de Xustiza de Galicia, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 12 de decembro de 2019
Carmen Pomar Tojo
Conselleira de Educación, Universidade e Formación Profesional