Eu, Rosario Cantalejo García, letrada da Administración de xustiza do Xulgado de Primeira Instancia número 9 de Vigo, dou fe e certifico que no procedemento ordinario nº 723/2017 se ditou a resolución do teor literal seguinte:
«Sentenza nº 110/2018.
Vigo, 3 de setembro de 2018.
Vistos por min, Miguel Melero Tejerina, maxistrado xuíz do Xulgado de Primeira Instancia número 9 de Vigo, os presentes autos de xuízo ordinario, seguidos por instancia de Rosa Fresco Rodríguez, Benjamín Filgueira Fresco e Daniel Filgueira Fresco, representados polo procurador Ricardo Estévez Cernadas e asistidos pola letrada María Lariño Noia; contra Rudesindo Antañón Rosado e María Dolores Vieites Alén, representados polo procurador Manuel Castells López e asistidos polo letrado Ramón Alén López, e contra Nova Acrópole Promociones y Edificaciones, S.L., en rebeldía procesual.
Seguen antecedentes de feito e fundamentos xurídicos.
Resolución:
Desestimo integramente a demanda interposta contra Rudesindo Antañón Rosado e María Dolores Vieites Alén, que absolvo, con expresa condena en custas de Rosa Fresco Rodríguez, Benjamín Filgueira Fresco e Daniel Filgueira Fresco.
Estimo parcialmente as pretensións da parte demandante contra Nova Acrópole Promociones y Edificaciones, S.L. e condénoa a pagar a Rosa Fresco Rodríguez, Benjamín Filgueira Fresco e Daniel Filgueira Fresco a suma de 28.724,30 euros, máis os xuros legais do artigo 576 da Lei de axuizamento civil, sen facer especial pronunciamento en canto ás custas procesuais.
Modo de impugnación: recurso de apelación, que se interporá ante o tribunal que ditase a resolución que se impugne dentro do prazo de vinte días contados desde o día seguinte ao da notificación daquela.
Este recurso carecerá de efectos suspensivos, sen que en ningún caso proceda actuar en sentido contrario ao resolto (artigo 456.2 da LAC).
Conforme a disposición adicional décimo quinta da LOPX, para a admisión do recurso deberase acreditar ter constituído, na conta de depósitos e consignacións deste órgano, no Banco Santander, na conta deste expediente ES5500493569920005001274 (concepto 3640 0000 04 0723 17) un depósito de 50 euros, salvo que o recorrente sexa beneficiario de xustiza gratuíta, o Ministerio Fiscal, o Estado, Comunidade Autónoma, entidade local ou organismo autónomo dependente.
Así, por esta miña sentenza, pronúncioo, mándoo e asínoo. Asinado maxistrado xuíz. Dilixencia de publicación».
E como consecuencia do ignorado paradoiro da parte demandada, Nova Acrópole Promociones y Edificaciones, S.L., expídese esta cédula para que sirva de cédula de notificación.
Vigo, 3 de setembro de 2018
A letrada da Administración de xustiza