Eu, Susana Varela Amboage, letrada da Administración de xustiza do Xulgado do Social número 3 de Santiago de Compostela, fago saber que no procedemento ordinario 87 /2017 deste xulgado do social, seguido por instancia de José Antonio Labandeira Grille contra Galicarbo, S.L., José Ramón Blanco Barreiro, Fogasa sobre ordinario, se ditou a seguinte resolución:

Xulgado do Social número 3 de Santiago de Compostela

Sentenza: 380/2018

PO procedimiento ordinario 87/2017

Procedemento orixe: /

Sobre: ordinario

Demandante: José Antonio Labandeira Grille

Demandados: Fogasa, Galicarbo, S.L., José Ramón Blanco Barreiro

Avogado/a: letrado/a do Fogasa

Sentenza nº 380/2018

Santiago de Compostela, 31 de xullo de 2018

Visto por min, María Sánchez Galindo, xuíza substituta do Xulgado do Social número 3 de Santiago de Compostela, o estado procesual que manteñen as presentes actuacións, rexistradas ante este órgano xudicial como PO (en materia de reclamación de cantidades salariais) baixo o número 87/2017, en que é parte demandante José Antonio Labandeira Grille, asistido polo letrado Sr. Oulego Erroz, fronte a Galicarbo, S.L., que non comparece ao acto de xuízo a pesar de contar citada en legal forma e tempo en unidade de autos para iso, José Ramón Blanco Barreiro, que non comparece ao acto de xuízo a pesar de contar citada en legal forma e tempo en unidade de autos para iso, e o Fondo de Garantía Salarial (tamén e en diante, Fogasa), que non comparece ao acto de xuízo a pesar de contar citada en legal forma e tempo en unidade de autos para iso, en nome da súa maxestade o rei veño a ditar esta sentenza con base nos seguintes

Decisión:

Que debo ter e teño por desistido parcialmente ao agora demandante, José Antonio Labandeira Grille, asistido polo letrado Sr. Oulego Erroz, fronte á mercantil Galicarbo, S.L., mandándose continuar a tramitación e a resolución do fondo do asunto fronte ao empresario José Ramón Blanco Barreiro e fronte ao Fondo de Garantía Salarial (tamén, Fogasa).

Que debo estimar parcialmente e estimo parcialmente a demanda presentada por José Antonio Labandeira Grille, asistido polo letrado Sr. Oulego Erroz, fronte ao empresario José Ramón Blanco Barreiro e fronte ao Fondo de Garantía Salarial (tamén, Fogasa), e, en consecuencia, debo condenar e condeno o demandado José Ramón Blanco Barreiro a aboar a favor do traballador demandante a cantidade de 8.017,34 euros (ex todos os conceptos incluídos na táboa insiren no feito declarado probado terceiro da presente sentenza) + a cantidade que resulte e se calcule en ulterior fase de execución de sentenza en concepto de xuro legal devindicado por demora no pagamento do salario sobre as cantidades do principal que teñan na súa totalidade a condición de cantidade salarial ex artigos 26 e 29.3, ambos os dous do Estatuto dos traballadores.

Todo iso sen prexuízo da responsabilidade que puidese corresponder legalmente ao Fondo de Garantía Salarial.

Notifíquese esta sentenza ás partes interesadas, coa advertencia de que esta non é firme e contra ela cabe interpoñer recurso de suplicación, que se presentará no prazo de cinco días hábiles contados desde o seguinte ao de notificación desta sentenza, logo de consignación do depósito legalmente previsto para recorrer na conta de depósitos e consignacións deste xulgado, todo iso de acordo co disposto no artigo 191.2.g) da nosa Lei reguladora da xurisdición social.

Así, por esta a miña sentenza da que se unirá testemuño literal aos autos orixinais, María Sánchez Galindo, xuíza substituta do Xulgado do Social número 3 de Santiago de Compostela, pronúncioo, mando e asino.

A xuíza substituta.

E para que sirva de notificación en legal forma a Galicarbo, S.L., en ignorado paradoiro, expido o presente edicto para a súa inserción no Diario Oficial de Galicia e no taboleiro de anuncios deste xulgado.

Advírtese a destinataria que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que sexan auto ou sentenza, ou cando se trate de emprazamento.

Santiago de Compostela, 3 de setembro de 2018

A letrada da Administración de xustiza