Eu, Luis Diego Espino Hernández, letrado da Administración de xustiza do Xulgado de Primeira Instancia número 10 de Vigo, fago saber que no procedemento ordinario 49/2014-T se ditou sentenza cuxo encabezamento e resolución se reproducen integramente e que son do teor literal seguinte:
«Sentenza.
Vigo, 17 de novembro de 2016.
Ana Araceli Muñoz Martín, maxistrada xuíza de Primeira Instancia número 10 de Vigo e o seu partido, despois de ver os presentes autos do procedemento ordinario 49 /2014-T seguidos ante este xulgado, entre partes, dunha como demandante Promotora RP-28, S.L., con CIF B36817757, representada pola procuradora Purificación Rodríguez González e asistida do letrado Fernando Prieto Buján, e doutra como demandada a herdanza xacente e herdeiros descoñecidos e incertos de José Ramón Sánchez López Boado, declarada en situación procesual de rebeldía, ditou a seguinte sentenza e resolución:
Estimando integramente a demanda interposta pola Promotora RP-28, S.L. fronte á herdanza xacente e herdeiros descoñecidos e incertos de José Ramón Sánchez López Boado, debo condenar e condeno esta a aboar á demandante a cantidade de 115.644 euros máis os xuros legais desde a reclamación xudicial e custas.
Modo de impugnación: contra esta sentenza cabe recurso de apelación dentro dos vinte días seguintes ao da súa notificación, que se interpoñerá ante este órgano xudicial.
Conforme a disposición adicional décimo quinta da LOPJ, para a admisión do recurso deberase acreditar ter constituído, na conta de depósitos e consignacións deste órgano, un depósito de 50 euros, salvo que o recorrente sexa beneficiario de xustiza gratuíta, o Ministerio Fiscal, o Estado, comunidade autónoma, entidade local ou organismo autónomo dependente.
Así por esta miña sentenza, pronúncioo, mándoo e asínoo».
Expídese o presente edicto co fin de que sirva de notificación a herdanza xacente e herdeiros descoñecidos e incertos de José Ramón Sánchez López Boado, actualmente en ignorado paradoiro.
Vigo, 7 de decembro de 2016
O letrado da Administración de xustiza
