José Luis Gutiérrez Martín, letrado da Administración de xustiza do Xulgado do Mercantil número 2 de Pontevedra, fai saber que no presente procedemento ordinario 120/2017, seguido por instancia de Real Club Náutico Rodeira contra Esinor Sistemas, S.L., se ditou sentenza, cuxo encabezamento e parte dispositiva son do teor literal seguinte:
«En nome do rei
Nuria Fachal Noguer, maxistrada xuíza do Xulgado do Mercantil número 2 de Pontevedra, ditou a seguinte
Sentenza nº 34/2018
Pontevedra, 28 de marzo de 2018
Vistos por Nuria Fachal Noguer, maxistrada xuíza do Xulgado do Mercantil número 2 de Pontevedra, os autos do xuízo ordinario 171/17-P, sobre privilexio marítimo, en que son partes o demandante Real Club Náutico Rodeira, asistido polo letrado Sr. Rodríguez Caorsi e representado pola procuradora Sra. Toro Rodríguez, e a demandada, Esinor Sistemas, S.L., en situación de rebeldía procesual.
Resolución
Estimando integramente a demanda interposta por Real Club Náutico Rodeira, asistido polo letrado Sr. Rodríguez Caorsi e representado pola procuradora Sra. Toro Rodríguez, contra a demandada Esinor Sistemas, S.L., en situación de rebeldía procesual, debo declarar e declaro o crédito reclamado como garantido cun privilexio marítimo respecto do iate Eiroa con bandeira española.
En consecuencia, debo condenar e condeno a Esinor Sistemas, S.L. a aboar á demandante a suma de 28.649,44 euros, máis os xuros legais desde a interpelación xudicial (9.5.2017) e ata a data da sentenza, en que será de aplicación o artigo 576 da LAC.
Todo iso con expresa imposición de custas á demandada.
Notifíquese esta resolución ás partes.
Esta resolución non é firme. Contra ela cabe recurso de apelación, que se deberá interpor neste xulgado no prazo de vinte días contado desde o seguinte ao da súa notificación».
E ao estar o dito demandado, Esinor Sistemas, S.L., en paradoiro descoñecido, expídese este edicto co fin de que lle sirva de notificación en forma.
Pontevedra, 23 de abril de 2018
O letrado da Administración de xustiza