Procedemento ordinario (PO) 393/2015
Sobre: ordinario
Demandante: José Manuel Mella Silva
Avogado: Xavier Castro Martínez
Demandado: Compañía de Protección y Vigilancia Galaica, S.A.
Eu, María Teresa Vázquez Abades, letrada da Administración de xustiza do Xulgado do Social número 1 de Santiago de Compostela, fago saber que no procedemento ordinario 393/2015 deste xulgado do social, seguido por instancia de José Manuel Mella Silva contra a empresa Compañía de Protección y Vigilancia Galaica, S.A., sobre ordinario, se ditou a seguinte resolución, cuxa parte dispositiva se xunta:
«Decisión
Que estimando integramente a demanda interposta por José Manuel Mella Silva contra Compañía de Protección y Vigilancia Galaica, S.A., debo condenar e condeno a mercantil demandada a aboarlle ao demandante a suma de 975,78 euros polos conceptos indicados no feito probado cuarto desta resolución, máis o xuro por mora do artigo 29.3 do ET respecto da dita cantidade, desde a presentación da papeleta de conciliación ata a presente resolución e o xuro do artigo 576 da LAC a partir da presente resolución.
Notifíqueselles ás partes a presente resolución, facéndolles saber que fronte a esta non cabe recurso.
A anterior resolución entregarase á letrada da Administración de xustiza para a súa custodia e incorporación ao libro de sentenzas. Insírase nas actuacións por medio de testemuño.
Por esta a miña sentenza, xulgando definitivamente na primeira instancia, pronúncioo, mándoo e asínoo».
E para que lle sirva de notificación en legal forma a Compañía de Protección y Vigilancia Galaica, S.A., en ignorado paradoiro, expido este edicto para a súa inserción no Diario Oficial de Galicia e no taboleiro de anuncios deste xulgado.
Advírteselle ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.
Santiago de Compostela, 14 de novembro de 2017
A letrada da Administración de xustiza
