Divorcio contencioso 32/2016
Demandante: María José Ferreiro Castro
Procuradora: Ana Verónica Sexto Quintas
Avogada: Cristina Rodríguez Rodríguez
Demandado: Roberto Tojeiro Cabaleiro
Tatiana Villaescusa Martín, letrada da Administración de xustiza do Xulgado de Primeira Instancia e Instrución número 3 de Betanzos, polo presente anuncio:
No presente procedemento, seguido por instancia de María José Ferreiro Castro fronte a Roberto Tojeiro Cabaleiro, ditouse auto de aclaración o 19.6.2017 da sentenza ditada o 28.9.2016, cuxo teor literal é o seguinte:
«Auto.
Xuíz/maxistrado xuíz: Roberto Barba Alvedro.
Betanzos, 16 de xuño de 2017.
Parte dispositiva.
Acordo estimar a petición formulada pola procuradora Sra. Sexto Quintás, en nome e representación de María José Ferreiro Castro, de aclarar a sentenza do 28.9.2016, ditada no presente procedemento, no sentido que se indica:
Onde di: “O proxenitor deberá aboar, en concepto de pensión de alimentos a favor de cada un dos fillos do matrimonio a cantidade de 150 euros mensuais, debendo satisfacer igualmente a metade do importe dos gastos extraordinarios. A pensión deberá ingresarse dentro dos cinco primeiros días de cada mes na conta que para tales o proxenitor deberá aboar, en concepto de pensión compensatoria, a favor da demandante, de 400 euros mensuais, a cal deberá ingresarse dentro dos cinco primeiros días de cada mes na conta que para tales efectos designe a demandante, e será actualizable anualmente conforme as variacións que experimente o IPC ou índice que o substitúa. Sen imposición de custas procesuais”.
Debe dicir: “O proxenitor deberá aboar, en concepto de pensión de alimentos a favor de cada un dos fillos do matrimonio a cantidade de 150 euros mensuais, debendo satisfacer igualmente a metade do importe dos gastos extraordinarios. A pensión deberá ingresarse dentro dos cinco primeiros días de cada mes na conta que para tales efectos designe a demandante e será actualizable anualmente conforme as variacións que experimente o IPC ou índice que o substitúa.
O proxenitor deberá aboar, en concepto de pensión compensatoria, a favor da demandante a cantidade de 400 euros mensuais, a cal deberá ingresarse dentro dos cinco primeiros días de cada mes na conta que para tales efectos designe a demandante e será actualizable anualmente conforme as variacións que experimente o IPC ou índice que o substitúa. Sen imposición de custas procesuais”.
Líbrese certificación desta resolución, que quedará unida a estas actuacións, e lévese o seu orixinal ao libro de resolucións definitivas.
Modo de impugnación: contra esta resolución non caberá recurso ningún, sen prexuízo dos recursos que procedan, se é o caso, contra a resolución a que se refire a solicitude de aclaración.
Así o manda e acorda a súa señoría. Dou fe.
O/a maxistrado/a xuíz/a».
E encontrándose o devandito demandado, Roberto Tojeiro Cabaleiro, en paradoiro descoñecido, expídese este edicto co fin de que sirva de notificación en forma a este.
Betanzos, 18 de xullo de 2017
A letrada da Administración de xustiza