F02 Familia, garda, custodia alimentación fillo menor non matrimonio NO C 253/2016
Sobre: outras materias
Demandante: Gheorghe Marian Curt
Procurador: Luis Edelmiro Lalín González
Avogada: Ana Coego Pampín
Demandada: Maruta Ramona Rohr
Eu, Myriam de Mata Schick, letrada da Administración de xustiza do Xulgado de Primeira Instancia e Instrución número 2 de Lalín, polo presente
Anuncio:
Neste procedemento F02 garda custodia e alimentos número 253/2016, seguido por instancia de Gheorghe Marian Curt fronte a Maruta Ramona Rohr, ditouse sentenza cuxo teor literal é o seguinte:
«Sentenza
Lalín, 10 de maio de 2017.
Xuíz: Gonzalo Sans Bicada.
Demandante: Gheorghe Marian Curt.
– Procurador: Luis Edelmiro Lalín González.
– Letrada: Ana Coego Pampín.
Demandada: Maruta Ramona Rhor (en situación de rebeldía procesual).
Ministerio Fiscal.
Obxecto: garda, custodia e alimentos.
Decisión:
Estimo parcialmente a demanda presentada por Gheorghe Marian Curt fronte a Maruta Ramona Rhor e, en consecuencia, acordo a aplicación das seguintes medidas relativas á garda, custodia e alimentos da filla común menor de idade, Alexandru Ionut Curt:
1) O exercicio conxunto da patria potestade sobre o menor por ambos os proxenitores. Este exercicio conxunto supón que as decisións importantes relativas á menor serán adoptadas por ambos os proxenitores de mutuo acordo e, en caso de discrepancia, resolverá o xulgado conforme o trámite previsto no artigo 156 do Código civil. A título indicativo son decisións incluídas no ámbito da patria potestade as relativas ás seguintes cuestións: a) Cambio de domicilio do menor fóra do municipio de residencia habitual e traslado ao estranxeiro, salvo viaxes vacacionais; b) Elección inicial ou cambio de centro escolar; c) Determinación das actividades extraescolares ou complementarias; d) Celebracións sociais e relixiosas de relevancia (bautismo, primeira comuñón e similares noutras relixións); e) Actos médicos non urxentes que supoñan intervención cirúrxica ou tratamento médico de longa duración ou psicolóxicos.
2) Atribúeselle a garda e custodia do fillo menor, Alexandru Ionut Curt, a Gheorghe Marian. Maruta Ramona poderá estar na compaña do seu fillo unicamente da maneira que pacte co pai, Gheorghe Marian.
3) Establécese a favor do fillo menor e a cargo de Maruta Ramona Rhor unha pensión mensual de alimentos de 120 euros, que deberá ser ingresada por Maruta Ramona dentro dos 5 primeiros días de cada mes na conta bancaria determinada por Gheorghe Marian, e actualizarase anualmente conforme as variacións do IPC.
Os gastos extraordinarios deberán ser afrontados por metade entre ambos os proxenitores; merecen tal consideración os gastos médicos, farmacéuticos e asistenciais non cubertos polo réxime público de saúde, os derivados de actividades extraescolares e calquera outro de análoga natureza. A reclamación da parte correspondente dos gastos extraordinarios exixirá coñecemento previo e consentimento manifestado polo outro cónxuxe, salvo situacións de urxencia.
Non procede a condena en custas de ningunha das partes.
Notifíqueselles esta resolución ás partes e ao Ministerio Fiscal.
Esta sentenza non é firme e contra ela cabe recurso de apelación ante a Audiencia Provincial, que se deberá interpor ante este xulgado no prazo de 20 días contados desde o seguinte á notificación daquela. Para a interposición do dito recurso deberá acreditarse a consignación dun depósito de 50 euros na conta deste xulgado, baixo apercibimiento de non admitir a trámite o recurso.
Así o acordo e asino, Gonzalo Sans Bicada, xuíz do Xulgado de Primeira Instancia e Instrución número 2 de Lalín».
E ao estar a dita demandada, Maruta Ramona Rohr, en paradoiro descoñecido, expídese o presente co fin de que lle sirva de notificación en forma.
Lalín, 24 de maio de 2017
A letrada da Administración de xustiza
