Isabel Freire Corzo, letrada da Administración de xustiza da sección quinta da Audiencia Provincial da Coruña, fago saber que na peza de apelación que se dirá se ditou sentenza con data do 17 de novembro de 2015, cuxo encabezamento e parte dispositiva son do teor literal seguinte:

«Primeiro. Que o maxistrado xuíz do Xulgado de Primeira Instancia número 1 de Carballo, con data do 25 de setembro de 2013, ditou sentenza cuxa parte dispositiva di como segue:

Que debo estimar e estimo parcialmente a demanda presentada pola procuradora Isabel Trigo Castiñeira, en nome e representación das comunidades de propietarios existentes no edificio denominado Cabo San Adrián de Malpica, fronte a Comercial Farlabo, S.A. (Comercial Farlabo España, S.L. e Gontroco, S.L.); Gallega de Construcciones Garantizada, S.L.; comunidade hereditaria de José Luis Martínez Illescas Benedicto; Asociación de Seguros Mutuos y Arquitectos Superiores (Asemas); Néstor Vila Zuloaga e Musaat: Mutua de Seguros a Prima Fija:

Declarando a nulidade parcial de títulos consecutivos das fases do edificio denominado Cabo San Adrián de Malpica no que se refire aos departamentos independentes 3 e 4 terreos 9940 e 9941, e cotas de participación acordándose: o outorgamento dun novo título que se axusta á descrición que dos referidos terreos se efectúa no informe pericial de José Manuel Dans Sanjurjo, coa conseguinte distribución proporcional do coeficiente dos referidos terreos entre todos os propietarios, condenando á promotora Comercial Farlabo, S.A. (hoxe Comercial Farlabo España, S.L. e Gontroco, S.L.) construtora Gallega de Construcción Garantizada, S.L.; a José Luis Martínez Illescas Benedicto, Asociación de Seguros Mutuos de Arquitectos Superiores, Asemas), a Néstor Vila Zuloaga e a Mutua de Seguros Prima Fixa (Musaat), a aboar aos demandantes a suma 26.149,2 euros, con aplicación dos xuros previstos artigo 576 da LAC.

Condenando a promotora Comercial Farlabo, S.A. (hoxe Comercial Farlabo España, S.L. e Gontroco, S.L.), a cumprir o convido no acto de conciliación do Xulgado nº 4/98 do Xulgado de Paz de Malpica, e a permutar, en consecuencia, as amortizadas prazas de garaxe de planta cuartas de sotos do edificio por outras da súa planta sétima.

Todo iso, con imposición de custas á parte demandada».

Con data do 28 de outubro de 2013 ditouse auto de aclaración cuxa parte dispositiva di como segue:

Aclárase a resolución da sentenza do 25 de setembro de 2013, no sentido de que onde di: «Todo iso, con imposición de custas á parte demandada», debe dicir: «Todo iso, sen imposición de custas».

Resolvo desestimando o recurso de apelación interposto pola representación procesual de CC.PP. Fases I e II do edificio Cabo San Adrián de Malpica, contra a sentenza ditada polo Xulgado de Primeira Instancia número 1 de Carballo, nos autos de xuízo ordinario número 167/2003, debemos confirmar e confirmamos en todos os seus puntos a referida resolución; con imposición das custas desta alzada á parte apelante.

E para que conste e sirva para a inserción no Diario Oficial de Galicia co obxecto de notificar ás partes declaradas en rebeldía José Ramos del Olmo, María Rodríguez Follente, Sara Eiroa Parga e Gallega Construcción Garantizada, S.L., expido e asino a presente notificación. Dou fe.

A Coruña, 22 de febreiro de 2017

A letrada da Administración de xustiza