Divorcio contencioso (DCT) 302/2016 J
Sobre: divorcio contencioso
Demandante: Edelmiro Jubón Varela
Procuradora: Ana Stock Bernárdez
Avogada: María Pilar Núñez-Torrón Caballero
Demandada: Floralba Fonseca Martínez
María José Núñez Abeledo, letrada da Administración de xustiza do Xulgado de Primeira Instancia número 5 de Lugo, polo presente,
Anuncio:
Neste procedemento, seguido por instancia de Edelmiro Jubón Varela fronte a Floralba Fonseca Martínez, ditouse sentenza cuxo encabezamento e decisión son os seguintes:
Sentenza.
Xuíza que a dita: xuíza Freire Calvo.
Lugar: Lugo.
Data: vinte e un de outubro de dous mil dezaseis.
Vistos por Ana Freire Calvo, xuíza substituta do Xulgado de Primeira Instancia número 5 de Lugo, os presentes autos de divorcio contencioso número 302/2016-J, seguidos por instancia de Edelmiro Jubón Varela, representado pola procuradora Ana Stock Bernárdez e baixo a dirección letrada de Pilar Núñez Torrón, contra Floralba Fonseca Martínez, en situación de rebeldía procesual.
Decisión:
Que estimando a demanda de divorcio presentada por Edelmiro Jubón Varela, representado pola procuradora Ana Stock Bernárdez, contra Floralba Fonseca Martínez, en situación de rebeldía procesual, declaro a disolución por divorcio do matrimonio formado por Edelmiro Jubón Varela e Floralba Fonseca Martínez, con todos os efectos e consecuencias legais que lle son inherentes, sen que caiba adoptar ningunha medida. Non procede a imposición de custas.
Comuníqueselles esta sentenza, unha vez que sexa firme, aos rexistros civís correspondentes para os efectos rexistrais oportunos.
Expídase testemuño desta sentenza e lévese aos autos da súa razón. O orixinal quedará arquivado no libro de sentenzas civís do xulgado. Notifíqueselles esta ás partes, con advertencia de que non é firme e que contra ela cabe formular recurso de apelación para ante a Audiencia Provincial de Lugo, o cal, de conformidade co artigo 458 da LAC, deberá interporse ante este xulgado no prazo de vinte días contados desde o día seguinte á súa notificación.
Así, por esta a miña sentenza, definitivamente xulgando en primeira instancia, pronúncioa, mándoa e asínoa.
E encontrándose a dito demandada, Floralba Fonseca Martínez, en rebeldía, expídese o presente edicto co fin de que lle sirva de notificación en forma a este.
Lugo, 17 de xaneiro de 2017
A letrada da Administración de xustiza