Cédula de notificación.
No procedemento de referencia ditouse a sentenza cuxo encabezamento e resolución son do teor literal seguinte:
«Sentenza.
Xuíz que a dita: maxistrado xuíz Tudela Guerrero
Lugar: Ferrol
Data: 10 de marzo de 2016
Demandante: Honda Bank GMBH, sucursal en España
Avogado: David Urrutia Salgado
Procurador: Eduardo Luis Fariñas Sobrino
Demandados: Rubén Antonio Cardona Carmona y Liseth Andrea Escobar Zambrano
Procedemento: procedemento ordinario 327/2015
Resolución:
Debo estimar e admito en parte a demanda presentada por Honda Bank GMBH contra Rubén Antonio Cardona Carmona e Liseth Andrea Escobar Zambrano, e condénoos ao pagamento conxunto e solidario de 10.998,94 euros.
A devandita cantidade xera xuros ao tipo pactado do 7,75 % desde o 11 de agosto de 2011 ata o seu pagamento.
Declárase a nulidade da cláusula contractual sexta, que prevé a aplicación conxunta dunha comisión por non pagamento do 5 % por cada cota impagada xunto aos xuros moratorios do 2,5 % mensual.
Non procede realizar condena en custas da instancia.
Modo de impugnación. Recurso de apelación, que se interpoñerá ante o tribunal que ditase a resolución que se impugne dentro do prazo de vinte días contados desde o día seguinte da notificación daquela.
O devandito recurso carecerá de efectos suspensivos, sen que en ningún caso proceda actuar en sentido contrario ao resolto (artigo 456.2 da LAC).
Conforme a disposición adicional décimo quinta da LOPX, para a admisión do recurso deberase acreditar ter constituído, na conta de consignacións deste órgano, un depósito de 50 euros, salvo que o recorrente sexa beneficiario de xustiza gratuíta, o Ministerio Fiscal, o Estado, comunidade autónoma, entidade local ou organismo autónomo dependente.
O depósito deberá constituílo ingresando a citada cantidade no Banesto na conta deste expediente 1559 0000 sinalando no campo “concepto” a indicación “recurso”, seguida do código “02 civil-apelación”. Se o ingreso se fai mediante transferencia bancaria deberá incluír, tras a conta referida, separada por un espazo a indicación “recurso” seguida do código “02 civil-apelación”.
No caso de que deba realizar outros pagamentos na mesma conta, deberá verificar un ingreso por cada concepto, mesmo se obedecen a outros recursos da mesma ou distinta clase e indicar, neste caso, no campo observacións a data da resolución recorrida co formato dd/mm/aaaa.
Así por esta a miña sentenza, pronúncioo, mándoo e asínoo.
O xuíz».
E como consecuencia do ignorado paradoiro dos demandados Rubén Antonio Cardona Carmona e Liseth Andrea Escobar Zambrano, esténdese o presente edicto para que sirva de cédula de notificación.
Ferrol, 11 de marzo de 2016
O/a secretario/a xudicial