Eu, Marta Yanguas del Valle, letrada da Administración de xustiza do Xulgado do Social número 3 reforzo da Coruña, fago saber:

Que no procedemento despedimento/cesamentos en xeral 368/2016 deste xulgado do social, seguido por instancia de Juan Carlos Álvarez Espiñeira contra Cocina Fusión Tamei, S.L., Fogasa sobre despedimento, se ditou a resolución cuxo encabezamento e parte dispositiva é do teor literal seguinte:

«Xulgado do Social número 3 de Reforzo da Coruña.

Sentenza: 437/2016.

Xuíz: Javier López Cotelo.

Procedemento: despedimento 368/2016.

Demandante: Juan Carlos Álvarez Espiñeira.

Letrada: Sra. Núñez González.

Demandado: Cocina Fusión Tamei, S.L.

Letrado:

Fogasa:

Letrada: Sra.

Sentenza nº 437/2016.

A Coruña, 4 de outubro de 2016.

Decido:

1º. Estimo a demanda sobre despedimento formulada por Juan Carlos Álvarez Espiñeira fronte a Cocina Fusión Tamei, S.L. e, en consecuencia, declaro a improcedencia do despedimento e condeno a demandada a que readmita inmediatamente o traballador nas mesmas condicións que rexían antes de se producir o despedimento, ou ben, por elección da empresa, a que extinga a relación laboral con aboamento da indemnización detallada no número segundo desta decisión. Todo iso con aboamento, no caso de opción pola readmisión, dos salarios de tramitación que non percibise ata a notificación da presente sentenza.

A devandita opción deberá exercitarse en 5 días a partir da notificación desta sentenza, mediante escrito ou comparecencia ante este xulgado. Transcorrido o devandito termo, sen que se tivese optado, entenderase que procede a readmisión.

2º. A indemnización e os salarios de tramitación a aboar pola empresa demandada, segundo o disposto no número anterior, son os seguintes:

– En concepto de indemnización, e de optar a empresa por ela: a cantidade de 497,09 euros.

– En concepto de salarios de trámite, para o caso de opción pola readmisión, os deixados de percibir desde a data do despedimento e ata a notificación da presente sentenza, calculados a razón de 37,71 euros/día.

3º. O Fogasa deberá de pasar polo resolto na presente resolución.

Inscríbase a presente resolución no libro de sentenzas deixando testemuño desta no presente procedemento.

Notifíquese esta sentenza ás partes advertíndolles que contra ela se poderá interpoñer recurso de suplicación ante o Tribunal Superior de Xustiza de Galicia, o cal se deberá anunciar neste xulgado no prazo dos cinco días seguintes á notificación desta resolución por comparecencia ou mediante escrito, pasados os cales se declarará firme e se procederá ao seu arquivo.

Así o pronuncio, mando e asino, Javier López Cotelo, xuíz Social de Reforzo.

Publicación. A anterior sentenza foi lida e publicada polo xuíz que a subscribe no día da súa data, do que eu, a secretaria xudicial, dou fe».

E para que sirva de notificación en legal forma a Cocina Fusión Tamei, S.L., en ignorado paradoiro, expido o presente para a súa inserción no Diario Oficial de Galicia.

Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de localización.

A Coruña, 4 de outubro de 2016

A letrada da Administración de xustiza