María Adelaida Egurbide Margañón, letrada da Administración de xustiza do Xulgado do Social número 5 da Coruña, fago saber que no procedemento de despedimento/cesamentos en xeral 343/2016 deste xulgado do social, seguido por instancia de Estefanía Álvarez Mouzo contra o Fondo de Garantía Salarial, Núñez Brandon, S.L., sobre despedimento, se ditou sentenza cuxa decisión di:

Que debo estimar e estimo a demanda presentada por Estefanía Álvarez Mouzo contra Núñez Brandon, S.L. e declaro improcedente o despedimento da demandante de data de efectos 27 de febreiro de 2016, e condeno a empresa a que, no prazo de cinco días desde a data da notificación da sentenza, opte entre a readmisión inmediata da demandante, nas mesmas condicións que rexían con anterioridade, con aboamento dos salarios de tramitación desde a data do despedimento ata a notificación desta resolución, que ascenden a 42,69 euros diarios, ou ben ao aboamento dunha indemnización por despedimento a razón de 690,72 euros.

Con intervención procesual do Fogasa.

Notifíqueselles a presente resolución ás partes facéndolles saber o seu dereito a interpor contra esta recurso de suplicación ante a Sala do Social do Tribunal Superior de Xustiza de Galicia, o cal poderán anunciar por comparecencia ou por escrito ante este xulgado no prazo de cinco días a partir da súa notificación. Así, por esta a miña sentenza, pronúnciao, mándao e asínao a maxistrada xuíza substituta do Xulgado do Social número 5 da Coruña Patricia López Arranz.

E para que lle sirva de notificación en legal forma á empresa Núñez Brandon, S.L., en ignorado paradoiro, expido o presente para a súa inserción no Diario Oficial de Galicia.

Advírteselle ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 27 de setembro de 2016

A letrada da Administración de xustiza