No procedemento de referencia ditouse sentenza cuxo encabezamento e decisión son do teor literal seguinte:
«Sentenza:
Sarria, 13 de xullo de 2016.
Ricardo Pailos Núñez, xuíz do Xulgado de Primeira Instancia e Instrución único de Sarria, vistos os autos do xuízo verbal 162/2016, iniciado tras a interposición de demanda pola procuradora Reyes Abella García, en nome e representación de María José Rigueiro Arias, avogada que asumiu a súa propia defensa neste preito, contra Benigno López Pereira, Manuela López López, José López López e Juana López López, todos eles en situación procesual de rebeldía, procedín a ditar a seguinte sentenza.
Decido:
Que debo estimar e estimo a demanda interposta pola procuradora Reyes Abella García, en nome e representación de María José García Arias.
En consecuencia, que debo condenar e condeno a Benigno López Pereira, Manuela López López, José López López e Juana López López a abonar á demandante as seguintes cantidades:
Por Benigno López Pereira: 552,38 euros.
Por Manuela López López: 540,11 euros.
Por José López López: 540,11 euros.
Por Juana López López: 540,11 euros.
As custas deberán ser aboadas polos demandados.
Notifíqueselles esta resolución ás partes, facéndolles saber que é recorrible en apelación. Tal recurso deberase interpoñer perante este xulgado no prazo de vinte días contados desde o seguinte ao da notificación da sentenza. Se é o caso, será resolto pola Audiencia Provincial de Lugo.
Así o acorda, manda e asina, Ricardo Pailos Núñez, xuíz do Xulgado de Primeira Instancia e Instrución único de Sarria.
Auto:
Sarria, 18 de xullo de 2016.
Feitos.
Único. Ditada sentenza no xuízo verbal número 162/2016, constatouse a existencia dun erro manifesto na decisión da resolución.
Fundamentos de dereito.
Primero. A Lei orgánica do poder xudicial permite a corrección dos erros materiais manifestos contidos nas resoluciones xudiciais.
Segundo. No xuízo verbal número 162/2016 interveu como única parte demandante María José Rigueiro Arias. A sentenza estimou integramente a demanda, aínda que na decisión da sentenza, en lugar de Rigueiro, figura como primeiro apelido García. Tal erro respecto da identidade da demandante debe ser corrixido.
Decido:
Corríxese o erro material contido na decisión da sentenza do 13 de xullo de 2016, ditada no xuízo verbal 162/2016.
Na devandita decisión, a mención a María José García Arias debe ser substituído por María José Rigueiro Arias.
Notifíquese esta resolución, facendo saber que non é recorrible.
Así o acorda, Ricardo Pailos Núñez, xuíz do Xulgado de Primeira Instancia e Instrución único de Sarria».
E como consecuencia do ignorado paradoiro de Benigno López Pereira, Manuela López López, José López López e Juana López López, esténdese a presente para que sirva de cédula de notificación.
Sarria, 1 de setembro de 2016
A letrada da Administración de xustiza