No procedemento de referencia ditouse a sentenza cuxo encabezamento e decisión son do teor literal seguinte:

«Xuízo de divorcio contencioso nº 748/2015

Xulgado de Primeira Instancia n° 6 de Santiago de Compostela

Sentenza n° 265/201

Santiago de Compostela, 20 de xuño de 2016.

Vistos por min, Roberto Soto Sola, maxistrado xuíz titular do Xulgado de Primeira Instancia número 6 desta localidade e o seu partido xudicial, o presente xuízo de divorcio nº 748/2015 promovido pola procuradora Sra. Losada Gómez, en nome e representación de Gerardo Noya Iglesias, asistido da letrada Sra. Rodríguez Baleato fronte a Talita Anatacha de Araujo, maior de idade, salientada en autos, declarado en rebeldía procesual e sen intervención do Ministerio Fiscal ao non concorrer fillos menores de idade ou incapaces no citado matrimonio.

Decido

Que estimando integramente a demanda de divorcio interposta pola procuradora Sra. Losada Gómez, en nome e representación de Gerardo Noya Iglesias, asistido da letrada Sra. Rodríguez Baleato, fronte a Talita Anatacha de Araujo, maior de idade salientada en autos declarado en rebeldía procesual e sen intervención do Ministerio Fiscal ao non concorrer fillos menores de idade ou incapaces no citado matrimonio, debo decretar e decreto o divorcio do matrimonio contraído por ambos os dous litigantes, con data deo 16.12.2011, en Santiago de Compostela, inscrito ao tomo 110, páxina 61 do Rexistro Civil de Santiago de Compostela, por concorrer a causa prevista no artigo 86.1 do Código Civil, transcorridos máis de tres meses de matrimonio.

Firme que sexa a presente resolución, remítanse os oportunos oficios para as procedentes anotacións rexistrais.

Non procede efectuar especial pronunciamento sobre as custas do presente proceso.

Esta resolución non é firme e fronte a esta cabe interpoñer recurso de apelación nos prazos e termos previstos na vixente Lei de axuizamento civil para a súa resolución pola Audiencia Provincial de Coruña (artigos 458 e 776 Lei de axuizamento civil) logo de consignación de depósito previsto na disposición adicional 15º da Lopx.

Así, por esta miña sentenza, pronúncioo mándoo e asínoo, Roberto Soto Sola, maxistrado xuíz titular do Xulgado de Primeira Instancia número 6 desta localidade e o seu partido xudicial.

Publicación: lida e publicada a anterior resolución en audiencia pública polo xuíz que a ditou, no día da data, dou fe».

E como consecuencia do ignorado paradoiro descoñecido, esténdese a presente para que sirva de cédula de notificación.

Santiago de Compostela, 21 de xuño de 2016

A letrada da Administración de xustiza