Divorcio contencioso (DCT) 532/2014
Procedemento de orixe: sobre divorcio contencioso
Demandante: Jhon Freddy Toro Roa
Procurador: Antonio Rubín Barrenechea
Avogada: María Jesús Rico Infante
Demandada: Luisa Fernanda Galán González
No procedemento de referencia ditáronse sentenza e auto de aclaración desta, do teor literal seguinte:
«Divorcio contencioso 532/2014
Sentenza: 75/2015
Ferrol, seis de marzo de dous mil quince
Ana Barral Picado, maxistrada xuíza do Xulgado de Primeira Instancia número 5 de Ferrol, despois de ver os autos correspondentes ao xuízo de divorcio contencioso promovido polo procurador Sr. Rubín Barrenechea, na representación de Jhon Freddy Toro Roa baixo a dirección letrada de María Jesús Rico contra Luisa Fernanda Galán González, en rebeldía procesual, dita a presente sobre a base dos seguintes
Decisión:
Que estimando integramente a demanda promovida polo procurador Sr. Rubín Barrenechea na representación de Jhon Freddy Toro Roa contra Luisa Fernanda Galán González, en rebeldía procesual, debo declarar e declaro a disolución por causa de divorcio do matrimonio formado polas partes, con todos os efectos inherentes á anterior declaración; expídase comunicación ao Rexistro Civil de Ferrol.
Procede a condena en custas da parte demandada.
Notifíqueselles ás partes con advertencia de que non é firme e de que contra esta cabe recurso de apelación.
Así, por esta sentenza, pronúncioo, mándoo e asínoo.
Auto
Xuíza/maxistrada: Ana María Barral Picado.
Ferrol, trinta de marzo de dous mil quince
Parte dispositiva
Acordo:
Corrixir a sentenza ditada nos presentes autos nos termos seguintes:
No antecedente de feito primeiro, debe suprimirse a mención que se contén nel a Mónica del Barrio e José Nieto Serrano.
No antecedente de feito terceiro, debe suprimirse a mención ao Ministerio Fiscal e calquera solicitude que tiver formulado este.
No fundamento de dereito segundo, debe suprimirse a mención á petición do Ministerio Público con relación a unha filla menor.
Modo de impugnacion: contra esta resolución non cabe recurso ningún, sen prexuízo dos recursos que procedan, se é o caso, contra a resolución que aquí se aclara/xunta.
Así o acorda e asina a súa señoría; dou fe.
A maxistrada xuíza O/a secretario/a xudicial»
E, como consecuencia do ignorado paradoiro da demandada rebelde, Luisa Fernanda Galán González, expídese o presente edicto para que lle sirva de cédula de notificación a través da súa publicación no Diario Oficial de Galicia.
Ferrol, 31 de xullo de 2015
O/a secretario/a xudicial