En virtude do acordado nos autos de referencia, por este edicto notifícaselle a Paula Andrea Parra Loaiza a sentenza recaída en autos do 26 de abril de 2016 cuxa resolución é do teor literal seguinte.
Resolvo:
Acórdase o divorcio, coa conseguinte disolución do vínculo matrimonial entre Rafael Caruncho López e Paula Andrea Parra Loaiza, e a cesación da presunción de convivencia conxugal, así como as demais obrigacións legais entre os cónxuxes, e en consecuencia:
1. Quedan revogados os apoderamentos ou mandatos que puideren existir entre os cónxuxes;
2. Queda disolta a sociedade legal de gananciais que tiñan constituída os esposos e débese proceder á súa liquidación polos trámites correspondentes no oportuno proceso.
Todo isto sen expreso pronunciamento en custas.
Notifíqueselles esta resolución ás partes e fágaselles saber que contra ela cabe recurso de apelación ante a Audiencia Provincial da Coruña.
Expídase oficio ao Rexistro Civil para que se faga constar o efecto desta sentenza.
Así, por esta miña sentenza, da cal se unirá testemuño aos autos da súa razón, pronúncioo, mándoo e asínoo.
Ferrol, 3 de maio de 2016
José Miguel Regueiro Pérez
Letrado da Administración de xustiza