Con data do 1 de abril de 2016, a Dirección Xeral de Saúde Pública ditou resolución do expediente sancionador 2015097AL-LU, incoado na Xefatura Territorial de Lugo a Mª de los Ángeles Rodríguez López, titular do establecemento Restaurante Costumes do Mar.
Unha vez intentada a notificación deste acordo segundo o disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, e ao non ser posible a súa práctica, por medio desta cédula, e segundo o disposto no número 5 do referido artigo, notifícaselle a Mª de los Ángeles Rodríguez López, titular do establecemento Restaurante Costumes do Mar, o contido da resolución que figura como anexo, para que poida ter coñecemento del.
Así mesmo, fáiselle saber o dereito que a asiste para interpor recurso de alzada ante o conselleiro de Sanidade, no prazo dun mes contado desde o día seguinte ao da publicación desta cédula, segundo establece o artigo 115 da Lei 30/1992, do 26 de novembro, lembrándolle o seu dereito a consultar o expediente, depositado nas dependencias da Dirección Xeral de Saúde Pública, sita en San Lázaro, s/n, Santiago de Compostela, e a obter, de ser o caso, copia del, segundo o previsto na letra a) do artigo 35 da citada Lei 30/1992, do 26 de novembro.
En caso de conformidade co contido desta resolución, o pagamento voluntario da sanción poderá facerse no seguinte prazo: 1) as notificadas entre os días 1 e 15 de cada mes, desde a data da notificación ata o día 20 do mes posterior ou, se este non for hábil, ata o inmediato día hábil seguinte; 2) as notificadas entre os días 16 e último de cada mes, desde a data da notificación ata o día 5 do segundo mes posterior ou, se este non for hábil, ata o inmediato día hábil seguinte. Todo isto mediante o ingreso que deberá efectuar en calquera oficina de Abanca; do BBVA, transacción 1316, NIF S1511001H, ou do Banco Santander, empregando os impresos normalizados que se lle facilitarán nas dependencias desta dirección xeral. O pagamento voluntario porá fin ao expediente. De non facelo así, procederase ao seu cobramento pola vía de constrinximento.
Esta cédula expídese para que conste e lle sirva de notificación á interesada, en cumprimento do disposto no artigo 59.5 da xa citada Lei 30/1992, do 26 de novembro. Así mesmo, faise constar que a eficacia da notificación quedará supeditada á súa publicación no taboleiro de edictos único (TEU) do Boletín Oficial del Estado (BOE).
Santiago de Compostela, 27 de abril de 2016
Andrés Paz-Ares Rodríguez
Director xeral de Saúde Pública
ANEXO
Nº de expediente: 2015097AL-LU.
Denunciada: Mª de los Ángeles Rodríguez López, titular do establecemento Restaurante Costumes do Mar.
DNI/CIF: 33538298C.
Último enderezo coñecido: rúa Trapero Pardo, 22, 27780 Foz (Lugo).
Feito imputado: infracción en materia sanitaria.
Preceptos infrinxidos:
Artigo 3, punto 1 e punto 2.d) do capítulo I, punto 1.d), punto 1.f), punto 2 do capítulo II, punto 1.b) do capítulo V, punto 2 do capítulo VI, punto 2 e punto 4 do capítulo IX do anexo II do Regulamento (CE) nº 852/2004, do Parlamento Europeo e do Consello, do 29 de abril, relativo á hixiene dos produtos alimenticios (DOUE núm. 139, do 30 de abril).
Artigos 3.2, 3.3, 6.7, 7.1, 7.2, 7.3 e 8 do Real decreto 3484/2000, do 29 de decembro, polo que se establecen as normas de hixiene para a elaboración, distribución e comercio de comidas preparadas (BOE núm. 11, do 12 de xaneiro de 2001).
Tipificación: grave, segundo os artigos 50.1.e) e 51.2, parágrafo décimo oitavo, da Lei 17/2011, do 5 de xullo, de seguridade alimentaria e nutrición (BOE núm. 160, do 6 de xullo).
Sanción imposta: seis mil euros (6.000 €).