M. Socorro Bazarra Varela, letrada da Administración de xustiza da Sala do Social do Tribunal Superior de Xustiza de Galicia, fai saber que no procedemento recurso suplicación 5218/2014 MCR desta Sala, seguido por instancia de Jesús Manuel Acuña Domínguez contra Nationale Nederlanden Generales Compañía de Seguros y Reaseguros, S.A, Granitos Fernández Fernández, S.L., Granitos de Vigo, S.L., Mapfre Empresas, Compañía de Seguros y Reaseguros, S.A., Consycar, S.L., Seguros Catalana Occidente, S.A. de Seguros y Reaseguros, sobre outros dereitos seguridade social, se ditou resolución cuxa parte dispositiva é do seguinte teor literal:

«Que estimando o recurso de suplicación interposto por Jesús Manuel Acuña Domínguez contra a sentenza ditada polo Xulgado do Social número 4 de Vigo con data 2.9.2014, debemos revogar e revogamos a dita resolución e, con estimación da demanda inicial formulada polo recorrente, debemos declarar e declaramos o seu dereito ao aboamento da indemnización de 50.000 €, condenando solidariamente os demandados Granitos Fernández Fernández, S.L., Cosicar, S.L. e Granitos de Vigo, S.A., e coa absolución de Nationale Nederlanden, Mapfre Seguros de Empresa, S.A. e Seguros Catalana Occidente.

Incorpórese o orixinal desta sentenza, pola súa orde, ao libro de sentenzas desta Sala do Social do Tribunal Superior de Xustiza de Galicia, Sala do Social.

Modo de impugnación: fáiselles saber ás partes que contra esta sentenza cabe interpor recurso de casación para unificación de doutrina, que se debe preparar mediante escrito presentado ante esta Sala dentro do improrrogable prazo de dez días hábiles inmediatos seguintes á data da notificación da sentenza. Se o recorrente non ten a condición de traballador ou beneficiario do réxime público de seguridade social, deberá efectuar:

– O depósito de 600 € na conta de 16 díxitos desta Sala, aberta no Banco de Santander (Banesto) co nº 1552 0000 37, seguida de catro díxitos correspondentes ao nº do recurso e dous díxitos do ano.

– Así mesmo, se hai cantidade de condena, deberá consignala na mesma conta, pero co código 80 en vez do 37 ou ben presentar aval bancario solidario en forma.

– Se o ingreso se fai mediante transferencia bancaria desde unha conta aberta en calquera entidade bancaria distinta, haberá que emitila á conta de vinte díxitos 0049 3569 92 0005001274 e facer constar no campo “Observacións ou Concepto da transferencia” os 16 díxitos que corresponden ao procedemento (1552 0000 80 ou 37 **** ++).

Así, por esta nosa sentenza, pronunciámolo, mandámolo e asinámolo».

E para que sirva de notificación en legal forma á empresa Granitos de Vigo, S.L., expido este edicto para a súa inserción no Diario Oficial de Galicia.

Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, agás no suposto da comunicación das resolucións que sexan autos ou sentenzas, ou cando se trate de emprazamento.

A Coruña, 25 de novembro de 2015

A letrada da Administración de xustiza