Para os efectos de darlle cumprimento ao solicitado polo Xulgado do Contencioso-Administrativo número 1 de Santiago de Compostela, en relación co procedemento ordinario núm. 346/2015, interposto por Alberto Edelmiro Vigo González, contra a Resolución do 6 de agosto de 2015 ditada pola Axencia de Protección da Legalidade Urbanística, que desestima o recurso potestativo de reposición interposto contra a Resolución do 2 de xullo de 2015, no expediente de reposición da legalidade urbanística núm. COR/49/2013, pola que declaran ilegalizables as obras e actuacións realizadas en solo rústico, sen autorización urbanística autonómica, sitas no lugar de Corgo, Rialiño, Concello de Dodro, esta dirección resolveu ordenar a remisión do correspondente expediente ao Xulgado do Contencioso-Administrativo número 1 de Santiago de Compostela.
Ao non poder realizarse a notificación persoal dos emprazamentos, mediante a presente cédula (que ao abeiro do disposto no artigo 59.5 da Lei 30/1992, de réxime xurídico das administracións públicas e do procedemento administrativo común (LRXPAC), notifícaselle por medio dun anuncio publicado no Boletín Oficial del Estado) emprázase a José Luis Vigo González e a Diego Vigo Bermúdez para que poidan comparecer como interesados nos autos no prazo de nove (9) días, de acordo co disposto no artigo 49.1 da Lei 29/1998, do 13 de xullo, reguladora da xurisdición contencioso-administrativa
Santiago de Compostela, 25 de novembro de 2015
José Antonio Cerdeira Pérez
Director da Axencia de Protección da Legalidade Urbanística