Para os efectos de darlle cumprimento ao solicitado polo Xulgado do Contencioso-Administrativo número 1 de Pontevedra, en relación co procedemento ordinario 272/2015, interposto por Marina Herbello Millán contra a Resolución do 21.7.2015, ditada pola Axencia de Protección da Legalidade Urbanística, que inadmite por extemporáneo o recurso potestativo de reposición, interposto contra a Resolución do 11.3.2013, no expediente sancionador e de restitución e reposición da legalidade urbanística SIL/98/2012, pola cal se impón unha sanción como responsables e promotores das obras dentro da zona de servidume de protección do dominio público marítimo-terrestre, sitas no lugar da praia de Menduíña, concello de Cangas, esta dirección resolveu ordenar a remisión do correspondente expediente ao Xulgado do Contencioso-Administrativo número 1 de Pontevedra.

Ao non poder realizarse a notificación persoal dos emprazamentos, mediante esta cédula (que, ao abeiro do disposto no artigo 59.5 da Lei 30/1992, de réxime xurídico das administracións públicas e do procedemento administrativo común -LRXPAC, se lle notifica por medio dun anuncio publicado no Boletín Oficial del Estado) emprázase a entidade Capitán Morrazo, S.L. para que poida comparecer como interesado nos autos no prazo de nove días, de acordo co disposto no artigo 49.1 da Lei 29/1998, do 13 de xullo, reguladora da xurisdición contencioso-administrativa

Santiago de Compostela, 13 de novembro de 2015

José Antonio Cerdeira Pérez
Director da Axencia de Protección da Legalidade Urbanística