Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 209 Martes, 3 de novembro de 2015 Páx. 42088

V. Administración de xustiza

Tribunal Superior de Xustiza de Galicia (Sala do Social)

EDICTO (4216/2014).

Tipo e nº de recurso: RSU recurso suplicación 4216/2014-CON

Xulgado de orixe/autos: seguridade social 1045/2012 Xulgado do Social número 5 de Vigo

M. Socorro Bazarra Varela, secretaria xudicial da Sala do Social do Tribunal Superior de Xustiza de Galicia, fai saber que no procedemento recurso de suplicación 4216/2014-CON desta sala, seguido por instancia de Instituto Nacional da Seguridade Social, Mutua Gallega de Accidentes de Trabajo contra Servizo Galego de Saúde, Tesouraría Xeral da Seguridade Social, Ader Recursos Humanos Empresa de Trabajo Temporal, Soluciones en Gestión de Trabajo Temporal ETT, S.L. (Solgest ETT, S.L.), Mutua Asepeyo, Mutua Fremap, Rosa María Della Porta Núñez, sobre accidente, se ditou a seguinte resolución:

«Que desestimando o recurso de suplicación interposto pola representación letrada da Administración da Seguridade Social e da Mutua Gallega de Accidentes de Trabajo, contra a sentenza do 23 de maio de 2014, ditada polo Xulgado do Social número 5 de Vigo, en proceso tramitado por instancia da Mutua Gallega de Accidentes de Trabajo fronte a Lucía Della Porta Núñez, as empresas Ader Recursos Humanos ETT e Soluciones en Gestión Temporal ETT, S.L., ao Servizo Galego de Saúde, á Mutua Fremap, á Mutua Asepeyo, ao Instituto Nacional da Seguridade Social e á Tesouraría Xeral da Seguridade Social, debemos confirmar e confirmamos a sentenza impugnada.

De acordo co disposto nos artigos 203 e 204 da Lei da xurisdición social, debe darse o destino legal aos depósitos e consignacións para recorrer efectuados polas partes recorrentes. A mutua recorrente, conforme o artigo 235.1 da Lei da xurisdición social, debe aboar os honorarios do letrado da demandada-impugnante do seu recurso por importe de cincocentos cincuenta euros (550 €).

Incorpórese o orixinal desta sentenza, pola súa orde, ao libro de sentenzas desta Sala do Social do Tribunal Superior de Xustiza de Galicia.

Modo de impugnación: fáiselles saber ás partes que contra esta sentenza cabe interpor recurso de casación para unificación de doutrina, que se debe preparar mediante escrito presentado ante esta sala dentro do improrrogable prazo de dez días hábiles inmediatos seguintes á data da notificación da sentenza. Se o recorrente non ten a condición de traballador ou beneficiario do réxime público de seguridade social, deberá efectuar:

– O depósito de 600 € na conta de 16 díxitos desta sala, aberta no Banco de Santander (Banesto) co nº 1552 0000 37, seguida de catro díxitos correspondentes ao nº do recurso e dous díxitos do ano.

– Así mesmo, se hai cantidade de condena, deberá consignala na mesma conta, pero co código 80 en vez do 37 ou ben presentar aval bancario solidario en forma.

– Se o ingreso se fai mediante transferencia bancaria desde unha conta aberta en calquera entidade bancaria distinta, haberá que emitila á conta de vinte díxitos 0049 3569 92 0005001274 e facer constar no campo “Observacións ou Concepto da transferencia” os 16 díxitos que corresponden ao procedemento (1552 0000 80 ou 37 **** ++).

Así, por esta nosa sentenza, pronunciámolo, mandámolo e asinámolo».

E para que así conste e sirva de notificación en legal forma a Soluciones en Gestión de Trabajo Temporal, en ignorado paradoiro, expido este edicto para a súa inserción no Diario Oficial de Galicia.

Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, agás no suposto da comunicación das resolucións que sexan autos ou sentenzas, ou cando se trate de emprazamento.

A Coruña, 30 de setembro de 2015

A secretaria xudicial