En virtude da Orde da Consellería de Cultura, Educación e Ordenación Universitaria do 10 de agosto de 2015 modifícanse os concertos educativos con centros docentes privados de educación infantil, educación primaria, educación secundaria obrigatoria, educación especial e de formación profesional (Diario Oficial de Galicia núm. 155, do 17 de agosto), aprobados pola Orde do 9 de agosto de 2013.

No anexo I.d) da devandita orde, relativo ás modificacións no concerto de ciclos formativos de grao medio de formación profesional, advertiuse un erro material que é necesario rectificar.

En consecuencia, de conformidade coa Orde da Consellería de Cultura, Educación e Ordenación Universitaria do 14 de febreiro de 2013 (DOG núm. 62, do 1 de abril) pola que se establecen as normas para a aplicación, a partir do curso académico 2013/14, do réxime de concertos educativos previstos na Lei orgánica 2/2006, do 3 de maio, de educación, na Lei orgánica 8/1985, do 3 de xullo, reguladora do dereito á educación, no Real decreto 2377/1985, do 18 de decembro, polo que se aproba o Regulamento de normas básicas sobre concertos educativos, e en aplicación do artigo 105.2 da Lei 30/1992, do 26 de novembro, de réxime xurídico das administracións públicas e do procedemento administrativo común,

DISPOÑO:

Primeiro. Corrixir o erro advertido no anexo I.d) da Orde do 10 de agosto de 2015 engadindo á modificación publicada para o centro privado concertado Colegio Hogar Afundación de Vigo a que se inclúe como anexo desta orde.

Segundo. Esta orde terá efectos económico e administrativos do 1 de setembro de 2015.

Contra esta orde, que pon fin á vía administrativa, poderase interpoñer recurso potestativo de reposición ante esta consellería, no prazo dun mes a partir do día seguinte ao da súa publicación no Diario Oficial de Galicia, segundo o disposto nos artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común ou, directamente, recurso contencioso-administrativo, no prazo de dous meses, contados desde a mesma data, ante a Sala do Contencioso-Administrativo do Tribunal Superior de Xustiza de Galicia, de conformidade coa Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 9 de outubro de 2015

Román Rodríguez González
Conselleiro de Cultura, Educación e Ordenación Universitaria

ANEXO

Código	Denominación	Concello	Provincia	Modificación
36011609	Colegio Hogar Afundación	Vigo	Pontevedra	Concertar o 2º curso de Instalacións de Telecomunicacións. Suprimir o concerto do 2º curso de Equipos Electrónicos de Consumo.