Eu, María Blanco Aquino, secretaria xudicial do Xulgado do Social número 2 da Coruña, fago saber que no procedemento ordinario 237/2013, deste xulgado do social, seguido por instancia de Manuel Ángel Fandiño López e José Francisco Martínez Estrada contra Esabe Vigilancia, S.A. e o Fogasa, sobre ordinario, se acordou notificar a Esabe Vigilancia, S.A. a resolución da sentenza seguinte:

«Resolución:

Primeiro. Que, estimando integramente a demanda promovida por Manuel Ángel Fandiño López contra a empresa Esabe Vigilancia, S.A., debo condenala e condénoa a que lle aboe ao demandante a cantidade de 8.986,27 €.

Segundo. Que, considerando igualmente de xeito íntegro a demanda interposta por José Francisco Martínez Estrada contra a mesma empresa, debo condenala e condénoa a que lle aboe a cantidade de 7.477,64 €.

Terceiro. Que, así mesmo, debo condenar e condeno o Fondo de Garantía Salarial, na súa condición de responsable legal subsidiario, a estar e pasar pola condena imposta á aludida codemandada.

Cuarto. Non se fai especial pronunciamento en custas.

Notifíqueselles esta resolución ás partes, facéndolles saber que, contra esta, poden interpor recurso de suplicación, que deberá anunciarse ante este xulgado no termo de cinco días desde a notificación da presente sentenza, e que será resolto, de ser o caso, e unha vez cumpridos os trámites legais, pola Sala do Social do Tribunal Superior de Xustiza de Galicia.

Así, por esta miña sentenza, pronúncioo, mándoo e asínoo.

Publicación. Expídoa eu, secretaria xudicial, para facer constar que, na mesma data da sentenza, se deposita na Secretaría deste xulgado a anterior sentenza para a súa notificación e publicidade na forma permitida e ordenada pola Constitución e as leis. Seguidamente, líbrase testemuño da sentenza para a súa unión aos autos. Dou fe».

E para que lle sirva de notificación en legal forma a Esabe Vigilancia, S.A., en paradoiro ignorado, expido este edicto para a súa inserción no Diario Oficial de Galicia.

Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de localización.

A Coruña, 29 de xullo de 2015

A secretaria xudicial