De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle ao interesado que deseguido se relaciona o acordo de iniciación do procedemento sancionador en materia de turismo, por infracción administrativa da Lei 7/2011, do 27 de outubro, do turismo de Galicia, expediente número LU-19/2015, incoado ao titular do establecemento da Pobra de San Xiao denominado Camaleón, situado no Campo da Feira, s/n, concello de Láncara (Lugo), xa que intentada a notificación polos medios habituais non se puido practicar.

Noméase instrutora do procedemento a Mercedes Campos Casares e secretaria a Carmen Enríquez Rio, funcionarias desta área provincial, sendo o seu réxime de recusación o previsto nos artigos 28 e 29 da Lei 30/1992.

Segundo o establecido no artigo 16.1 do Real decreto 1398/1993, do 4 de agosto, polo que se aproba o Regulamento do procedemento para o exercicio da potestade sancionadora, o interesado disporá dun prazo de quince días, contados a partir do seguinte ao da publicación desta notificación para achegar por escrito cantas alegacións, documentos ou informacións consideren convenientes e, se é o caso, propoñer proba concretando os medios de que pretenda valerse.

Conforme o establecido no artigo 13.2 do Real decreto 1398/1993, de non efectuar alegacións no prazo anteriormente indicado, este acordo de iniciación poderá ser considerado proposta de resolución, determinándose, para estes efectos, o importe da sanción.

O pagamento voluntario poderá poñer fin ao expediente. Para efectualo deberá empregar o impreso normalizado que lle será facilitado na Área Provincial de Turismo, sito no Edificio Administrativo da Xunta de Galicia na rolda da Muralla de Lugo.

O órgano competente para a resolución do procedemento é a xefa da Área Provincial de Turismo en Lugo, según o disposto no artigo 119.1.a) da Lei 7/2011, e no Decreto 196/2012, do 27 de setembro, polo que se crea a Axencia de Turismo Galicia e se aproban os seus estatutos.

O que se lle comunica de acordo coa normativa antes citada e co establecido no Regulamento do procedemento para o exercicio da potestade sancionadora, aprobado polo Real decreto 1398/1993, do 4 de agosto (BOE núm. 189, do 9 de agosto).

Lugo, 16 de xullo de 2015

Paloma Vázquez Fernández
Xefa da Área Provincial de Turismo

anexo

Expediente: LU-19/2015.

Denunciado: Pub Camaleón, S.L.

Establecemento: Pub Camaleón.

Enderezo: Campo da Feira, s/n.

Localidade: A Pobra de San Xiao.

Feitos denunciados: incumprir o deber de exhibir os carteis exixidos pola normativa turística. Carecer de follas de reclamacións e da lista de prezos de venda ao público.

Preceptos infrinxidos: artigo 35, apartados f) e g) da Lei 7/2011.

Tipificación da infracción: artigo 109.2 a) e b) da Lei 7/2011.

Cualificación:leve.

Sanción: 400 €.