Peza de medidas provisorias coetáneas 992/2014 0001
Procedemento de orixe: divorcio contencioso 992/2014
Sobre divorcio contencioso
Demandante: Olga Vidal Caramés
Procurador: Pedro Andrés Barral Vila
Avogado: Antonio Pérez-Bello Fontaíña
Demandado: José Javier Porto Dios
No procedemento de referencia foi ditado auto cuxa parte dispositiva é do teor literal seguinte:
«Parte dispositiva:
Por todo iso, acórdanse con carácter provisorio as seguintes medidas que rexerán as relacións entre ambos os dous cónxuxes e cos tres fillos, sendo dous deles menores de idade:
1. A separación dos cónxuxes e o cesamento da presunción de convivencia conxugal.
2. Quedan revogados os consentimentos e poderes que calquera dos cónxuxes tiver outorgado a favor do outro, co que cesa a posibilidade, salvo pacto en contrario, de vincular os bens privativos do outro cónxuxe no exercicio da potestade doméstica.
3. Atribúese á nai, Olga Vidal Caramés, a garda e custodia dos fillos menores Alberto e Alex, sen prexuízo da patria potestade compartida.
4. Atribúese á nai e fillos en cuxa compañía quedan o uso da vivenda e o enxoval familiar.
5. Establécese a favor de José Javier Porto Dios un réxime de visitas amplo e flexible que non se concreta e que se desenvolverá en función da vontade, horarios e ocupacións dos fillos menores de idade e do pai.
6. Como contribución aos alimentos do pai para os fillos do matrimonio, aboará a cantidade de 400 euros mensuais polos tres fillos, que se actualizarán automaticamente conforme a elevación do IPC que publique o INE ou organismo oficial que o substitúa e ingresará dentro dos cinco primeiros días de cada mes na conta que a nai designe. Igualmente, o pai farase cargo do 50 % dos gastos extraordinarios que se produzan, incluíndo expresamente os gastos médicos ou farmacéuticos non cubertos pola Seguridade Social, gastos odontolóxicos e oftalmolóxicos. Os devanditos gastos extraordinarios precisarán de acordo previo.
Notifíquese a presente resolución ás partes e ao Ministerio Fiscal, ás cales se fará saber que contra ela non cabe recurso ningún, conforme o artigo 773.3 da nova Lei de axuizamento civil.
Así o dispoño, mando e asino por este o meu auto».
E como consecuencia do ignorado paradoiro de José Javier Porto Dios, expídese este edicto para que sirva de cédula de notificación.
Pontevedra, 8 de xuño de 2015
O/a secretario/a xudicial