Para os efectos previstos no artigo 5 do Decreto 62/2010, do 15 de abril, polo que se regula o trámite de competencia e os criterios de valoración no suposto de concorrencia de dúas ou máis solicitudes de autorización administrativa de instalacións de transporte secundario e distribución de gas natural e redes de distribución de gases licuados do petróleo (GLP), cada unha das catro solicitudes de autorización administrativa de instalacións de distribución de gas natural que se relacionan no cadro seguinte inician o seu correspondente trámite de competencia.
Datos das solicitudes:
Empresa solicitante: Gas Galicia SDG, S.A.
Contido de cada solicitude: autorización administrativa para a distribución de gas natural canalizado en núcleo de poboación.
Tipo de instalación: rede de distribución de gas natural.
Denominación de cada un dos proxectos: proxecto de autorización administrativa para a distribución de gas natural en núcleo de poboación.
Nº |
Provincia |
Núcleo de poboación da rede de distribución |
Sistema de subministración da rede de distribución |
Data da solicitude |
1 |
A Coruña |
Malpica de Bergantiños |
Planta de GNL |
13.5.2015 |
2 |
Ponteceso |
|||
3 |
Lugo |
Becerreá |
||
4 |
Pontevedra |
A Cañiza |
Ábrese un prazo de 30 días, contados desde o día seguinte ao da publicación desta resolución no Diario Oficial de Galicia, co seguinte obxecto:
– Que outras empresas distribuidoras de gas natural poidan presentar solicitudes en concorrencia con algunha destas solicitudes de Gas Galicia SDG, S.A.
– E que a empresa Gas Galicia SDG, S.A. poida completar, se o considera oportuno, as súas solicitudes.
O trámite de competencia de cada unha destas solicitudes resolverase a favor da empresa cuxo proxecto obteña a maior puntuación, tras a súa valoración de acordo cos criterios establecidos no artigo 8 do Decreto 62/2010, do 15 de abril.
Santiago de Compostela, 22 de maio de 2015
Ángel Bernardo Tahoces
Director xeral de Enerxía e Minas