Peza de medidas provisorias coetáneas 713/2014-1

Procedemento orixe: divorcio contencioso 713/2014

Sobre divorcio contencioso

Demandante: Begoña Jiménez Jiménez

Procurador: Óscar Pérez Gorís

Avogada: Mª José Lorenzo Sueiro

Demandado: Diego Castro Iglesias

Cristina Cao Sánchez, secretaria xudicial do Xulgado de Primeira Instancia número 6 de Santiago de Compostela,

Anuncio:

Que no presente procedemento seguido por instancia de María Begoña Jiménez Jiménez contra Diego Castro Iglesias, en situación de rebeldía procesual, foi ditado auto cuxa parte dispositiva é do teor literal seguinte:

«Parte dispositiva.

Estimando substancialmente a solicitude de medidas provisorias presentada polo procurador Sr. Pérez Gorís en nome e representación de Mariana Begoña Jiménez Jiménez asistida da letrada Sra. Lorenzo Sueiro contra Diego Castro Iglesias, maior de idade, sinadado en autos como declarado en rebeldía procesual con intervención do Ministerio Fiscal dada a concorrencia de tres fillos menores de idade habidos en común, debo acordar e acordo as seguintes medidas provisorias:

1. Atribuír á demandante a garda e custodia sobre os tres menores habidos en común e o exercicio exclusiva da patria potestade nas cuestións educativas e médicas.

2. Recoñecemento ao demandado dun réxime de estadías e comunicación do proxenitor non custodio consistente en fins de semana alternos desde as oito horas da tarde do venres ata as oito horas da tarde do domingo e a metade das vacacións escolares de Nadal, Semana Santa e verán.

3. Atribución á demandante e fillos habidos en común do uso e desfrute do enxoval e vivenda familiar.

4. Fixación por conta do pai en concepto de pensión de alimentos para os tres fillos do matrimonio da cantidade de 300 €/mes que o demandado aboará á demandante por anticipado dentro dos cinco primeiros días de cada mes con actualización anual á data do 1 de xaneiro de cada ano, conforme a variación anual precedente do IPC e ao aboamento da metade dos gastos extraordinarios dos menores.

Notifíquese esta resolución ás partes comparecidas e fágaselles saber a imposibilidade de recorrer a presente resolución, ao ser firme conforme o artigo 773 da Lei de axuizamento civil.

Non procede pronunciamento condenatorio ao aboamento das custas procesuais.

Así o acordo, mando e asino, Roberto Soto Sola, maxistrado xuíz titular do Xulgado de Primeira Instancia e Instrución número 6 de Santiago de Compostela, do que eu, o secretario xudicial, dou fe».

E como consecuencia do ignorado paradoiro de Diego Castro Iglesias, expídese este edicto para que sirva de cédula de notificación.

Santiago de Compostela, 5 de marzo de 2015

A secretaria xudicial