Peza: recurso de apelación (LACN) 333/2013.

Xulgado de procedencia: Xulgado de Primeira Instancia número 3 de Pontevedra.

Procedemento de orixe: xuízo verbal 173/2013.

Recorrente: José Luis Rial Cannas.

Procuradora: Isabel Sanjuán Fernández.

Avogado: Manuel Rial Segade.

Recorridas: NCG Banco, S.A., Julia Pereira Barral.

Procuradora: María del Carmen Torres Álvarez.

Avogado: Manuel Rial Segade.

Eu, Manuel Rubido de la Torre, secretario xudicial da Sección Terceira da Audiencia Provincial de Pontevedra, certifico que nesta sección se segue a peza de apelación civil número 333/2013, dimanante do xuízo verbal número 173/2013, procedente do Xulgado de Primeira Instancia número 3 de Pontevedra, no cal foi ditada a aentenza número 138/2014, cuxo encabezamento e parte dispositiva di:

«Sentenza 138/2014.

Presidente: Antonio-Juan Gutiérrez R.-Moldes.

Maxistrados: Jaime Esaín Manresa e Francisco Javier Romero Costas.

Pontevedra, 25 de abril de 2014.

Vistos en grao de apelación ante esta Sección Terceira da Audiencia Provincial de Pontevedra, os autos de xuízo verbal 173/2013, procedentes do Xulgado de Primeira Instancia número 3 de Pontevedra, aos cales correspondeu a peza recurso de apelación-R (LACN) 333/2013, e nos cales aparece como parte apelante, José Luis Rial Cannas, representado pola procuradora dos tribunais Isabel Sanjuán Fernández, asistida polo letrado Manuel Rial Segade, e como parte apelada NCG Banco, S.A., representada pola procuradora dos tribunais María del Carmen Torres Álvarez, asistida polo letrado Manuel Rial Segade; Julia Pereira Barral, sendo maxistrado relator Antonio-J. Gutiérrez R.-Moldes,

Decido:

Desestimar o recurso de apelación interposto pola representación de José Luis Rial Cannas e confirmar a sentenza apelada, ditada na data do 24 de maio de 2013 polo Xulgado de Primeira Instancia número 3 de Pontevedra, con imposición das custas desta instancia á parte apelante.

Notifíquese a presente resolución ás partes e fágaselles saber que esta sentenza non é firme e que contra esta poderán optar as partes lexitimadas por interporen o recurso extraordinario por infracción procesual ou o recurso de casación ante a Sala Primeira do Tribunal Supremo, no prazo de 20 días, contados desde o día seguinte á súa notificación, conforme dispoñen os artigos 466 e ss. e a disposición derradeira 16ª LAC/00.

Conforme a disposición adicional décimo quinta da LOPJ, para a admisión do recurso deberase acreditar ter constituído, na conta de depósitos e consignacións deste órgano, un depósito de 50 euros, salvo que o recorrente sexa beneficiario de xustiza gratuíta, o Ministerio Fiscal, o Estado, comunidade autónoma, entidade local ou organismo autónomo dependente.

Unha vez firme, expídase testemuño, que será remitido cos autos orixinais ao xulgado de procedencia, para os efectos oportunos».

E para que conste e se publique no Diario Oficial de Galicia, e sirva de notificación a Julia Pereira Barral, expídese e asínase este edicto.

Pontevedra, 28 de outubro de 2014

O secretario xudicial