Marta Yanguas del Valle, secretaria xudicial do Xulgado do Social número 3 de reforzo da Coruña, fago saber que no procedemento despedimento/cesamentos en xeral 1388/2013 deste xulgado do Social, seguido por instancia de José do Nascemento da Silva Branco contra a empresa Imesapi, S.A., API Movilidad, S.A., Aplicación de Pinturas API, S.A. sobre despedimento, se ditou a resolución cuxo encabezamento e parte dispositiva son como segue:
«Sentenza 288/2014.
Xuíz: Javier López Cotelo.
Procedemento: despedimento 1388/2013.
Demandante: José do Nascemento da Silva Branco.
Letrado: Sr. Pérez Nieves.
Demandada: Imesapi, S.A.
Letrado:
Demandada: API Movilidad, S.A.
Letrado:
Demandada: Aplicación de Pinturas API, S.A.
Letrado:
Fogasa.
A Coruña, 28 de maio de 2014.
Resolución:
1º. Estimo a demanda sobre despedimento formulada por José do Nascemento da Silva Branco contra a empresa API Movilidad, S.A. e, en consecuencia, declaro a improcedencia do despedimento e condeno a demandada a que readmita inmediatamente o traballador nas mesmas condicións que rexían antes de se producir o despedimento, ou, a elección da empresa, á extinción da relación laboral con aboamento da indemnización detallada no número segundo desta resolución. Todo isto con aboamento, no caso de opción pola readmisión, dos salarios de tramitación que non percibise ata a notificación desta sentenza.
Esta opción deberase exercer en cinco días a partir da notificación desta sentenza, mediante escrito ou comparecencia ante este xulgado. Transcorrido este termo sen que se optase, entenderase que procede a readmisión.
2º. A indemnización e os salarios de tramitación que deberá aboar a empresa demandada, segundo o disposto no número anterior, son os seguintes:
– En concepto de indemnización, e de optar a empresa por ela: a cantidade de 18.054,63 euros.
– En concepto de salarios de trámite, para o caso de opción pola readmisión, os deixados de percibir desde a data do despedimento e ata a notificación desta sentenza, calculados a razón de 67,18 euros/día.
3º. No suposto de que a empresa opte pola readmisión do traballador, este deberá reintegrar a indemnización percibida polo despedimento unha vez que sexa firme esta sentenza. Para o caso de que se opte pola extinción indemnizada da relación laboral, procede a compensación entre a indemnización xa percibida e a fixada nesta resolución (artigo 123 da Lei reguladora da xurisdición social).
4º. Desestimo a demanda sobre despedimento formulada por José do Nascemento da Silva Branco fronte ás empresas Aplicación de Pinturas API, S.A. e Imesapi, S.A. e, en consecuencia, absólvoas dos pedimentos formulados contra elas.
5º. O Fogasa deberase ater ao decidido nesta resolución.
Inscríbase esta resolución no libro de sentenzas e déixese testemuño dela neste procedemento.
Notifíquese esta sentenza ás partes e advírtase de que contra ela se poderá interpor recurso de suplicación ante o Tribunal Superior de Xustiza de Galicia, que se deberá anunciar neste xulgado no prazo dos cinco días seguintes ao da notificación desta resolución, por comparecencia ou mediante escrito, pasados os cales se declarará firme e se arquivará.
Advírtase igualmente o recorrente que non sexa traballador ou beneficiario do réxime público da Seguridade Social, ou habente causa seu, ou non teña recoñecido o beneficio da xustiza gratuíta, que deberá depositar a taxa establecida na Lei 10/2012, do 20 de novembro.
Así o pronuncio, mando e asino. Javier López Cotelo.
Publicación. A anterior sentenza leuna e publicouna o xuíz que a subscribe no día da súa data, do que eu, a secretaria xudicial, dou fe».
E para que conste e sirva de notificación a Imesapi, S.A., API Movilidad, S.A., Aplicación de Pinturas API, S.A., en ignorado paradoiro, expídese esta cédula para a súa publicación no Diario Oficial de Galicia e colocación no taboleiro de anuncios.
A Coruña, 28 de maio de 2014
A secretaria xudicial