De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común (BOE núm. 285, do 27 de novembro), modificada pola Lei 4/1999, do 13 de xaneiro (BOE núm. 12, do 14 de xaneiro), notifícaselle á persoa que se cita a continuación a incoación ditada pola Xefatura da Área Provincial de Pontevedra da Axencia Turismo de Galicia, do expediente sancionador en materia de turismo número PO-S-4/2014, por infracción administrativa da Lei 7/2011, do 27 de outubro, de turismo de Galicia, xa que, intentada polos medios habituais, non se puido practicar.

Concédese un prazo de quince días, de conformidade cos artigos 3.2 e 16.1 do Real decreto 1398/1993, para que o interesado poida presentar as alegacións, os documentos e a información que considere convenientes ou, se é o caso, propoña probas concretando os medios dos cales se pretenda valer. Expirado o prazo sen formular alegacións, este acordo considerarase proposta de resolución, de acordo co disposto no artigo 13.2 do citado real decreto.

Expediente: PO-S-4/2014.

Titular sancionado: Guay Hostelería, S.L.U., CIF B 27726652.

Establecemento: Café-Bar JJ.

Enderezo: lugar A Guía, Atios 42.

Concello: O Porriño.

Data da incoación: 20 de xaneiro de 2014.

Feitos imputados:

– Non contar coa documentación turística: libro de inspección e follas de reclamacións.

– Carecer do anuncio de disposición das follas de reclamación.

– Non expoñer os prezos no establecemento.

– Non comunicar a actividade.

Preceptos infrinxidos: artigo 35 da Lei 7/2011, de turismo de Galicia.

Sanción proposta: 300 euros, de conformidade co establecido no artigo 114 a) da Lei 7/2011, de turismo de Galicia.

Pontevedra, 25 de febreiro de 2014

Mª Ángeles Herrero Pérez
Xefa da Área Provincial de Pontevedra