Eva María Carbajo Álvarez, secretaria xudicial, do Xulgado de Primera Instancia e Instrución número 3 do Porriño, por medio do presente, anuncio que neste xulgado se seguiron autos de divorcio contencioso 536/2011 e se ditou a sentenza cuxo encabezamento e parte dispositiva son do teor seguinte:
«Sentenza.
O Porriño, 7 de decembro de 2012.
Antecedentes de feito.
Primeiro. O presente procedemento deriva da demanda presentada o 10 de outubro de 2011 pola representación procesual da Sra. Sokrate no cal reclamaba a declaración da disolución, por divorcio, do matrimonio contraído co Sr. Abdelati Hili (...).
Resolvo.
Decretar a disolución, por divorcio, do matrimonio contraído entre Siham Sokrate e Abdelati Hili con todos os efectos legais inherentes.
Atribúese a garda e custodia do fillo menor común Youssef Hili á nai. A patria potestade permanecerá compartida.
Non se fai pronunciamento sobre o réxime de visitas do fillo menor común.
Establécese o pagamento dunha pensión en concepto de alimentos en favor do seu fillo menor Youssef Hili, na contía de 250 euros mensuais a cargo de Abdelati Hili. O pagamento producirase mediante ingreso na conta bancaria designada pola Sra. Sokrate dentro dos cinco primeiros días de cada mes, e será actualizada anualmente conforme a variación do IPC que indique o Instituto Nacional de Estatística ou organismo que o substitúa.
Establécese o pagamento dunha pensión compensatoria de 200 euros mensuais a favor da Sra. Sokrate a cargo de Abdelati Hili. O pagamento producirase mediante ingreso na conta bancaria designada pola Sra. Sokrate dentro dos cinco primeiros días de cada mes, e será actualizada anualmente conforme a variación do IPC que indique o Instituto Nacional de Estatística ou organismo que o substitúa.
Os gastos extraordinarios deberán satisfacerse por metade e entre eles inclúense os gastos de xestación habidos.
Sen pronunciamento expreso canto ás custas.
Unha vez firme esta sentenza, notifíquese ao Rexistro Civil onde conste o matrimonio.
A presente sentenza non é firme e contra ela cabe interpor recurso de apelación para ante a Audiencia Provincial de Pontevedra que se presentará neste xulgado no prazo de 20 días desde a súa notificación.
Notifíquese ás partes.
Así o acordo, mando e asino.
Publicación. A anterior sentenza foi publicada pola xuíza que a subscribe no mesmo día da súa data, celebrando audiencia pública coa miña asistencia, o secretario, do cal dou fe».
E para que así conste, encontrándose o demandado Joaquín Bóveda Vila en paradoiro descoñecido, expídese o presente edicto co fin de que lle sirva de notificación en forma.
O Porriño, 9 de decembro de 2013
A secretaria xudicial
